لاہور میں پتنگ بازی پر مکمل قابو نہیں پایا جاسکا -پابندی کے باوجود پنجاب کے مختلف علاقوں میں پتنگ بازی کا خونی کھیل جاری ہے آج لاہور میں ایک 40 سالہ شخص چہرے پر پتنگ کی ڈور پھرنے اور سڑک پر گرنے سے زخمی ہو گیا جبکہ گزشتہ روز ایک بچے کی ہلاکت پتنگ اڑانے کے دوران کرنٹ لگنے سے ہوئی تھی ۔
تفصیلات کے مطابق لاہور کے علاقے چونگی امر سدھو میں 40 سالہ بشیر احمد موٹرسائیکل پر جا رہا تھا جب ایک کٹی پتنگ کی ڈور چہرے پر پھر گئی جس سے وہ زخمی ہو گیا۔
اطلاع ملتے ہی ریسکیو ٹیمیں موقع پر پہنچ گئیں اور مضروب کو طبی امداد پہنچائی جس کی حالت اب خطرے سے باہر ہے ۔