کل پاکستان کے نگران وزیراعظم اقوام متحدہ کی جنرل اسمبلی سے خطاب کریں گے مگراس بار ان کے خطاب کے موقع پر پی ٹی آئی کی جانب سے احتجاج کا فیصلہ کیا گیا ہے – اس کا اعلان پاکستان تحریک انصاف نیویارک کے رہنما امجد نواز نے سوشل میڈیا کے ذریعے کیا انھوں نے اپنے ویدیو بیان میں کہا کہ کل پی ٹی آئی بروز جمعہ (22 ستمبر) کو دن 10بجے سے 2 بجے کے دوران اقوام متحدہ کی جنرل اسمبلی سے وزیر اعظم انوار الحق کاکڑ کے خطاب کے موقع پر اقوام متحدہ کے سامنے احتجاجی مظاہرہ کرے گی۔احتجاجی مظاہرہ پارٹی سابق وزیر اعظم عمران خان سمیت تحریک انصاف کے کارکنوں کی گرفتاری، پاکستان میں جاری سیاسی انتقامی کاروائیوں اور انسانی حقوق کی خلاف ورزیوں کے خلاف کیا جائے گا۔
Overseas Pakistanis will have a Mega Demonstration against severe human and civil rights violations in Pakistan. on Friday, Sep.22. Please join this historic protest عماد فاروق ہم ننھے عمار کی شہادت کے غم میں آپ کے ساتھ کھڑے ہیں(امجد نواز)
PTI NEW YORK, pic.twitter.com/8ZR4buexUo
— Amjad Nawaz (@AmjadNawazUSA) September 19, 2023
امجد نواز کی جانب سے سوشل میڈیا پر جاری اپیل میں امریکہ بھر سے پارٹی کارکنوں کو 22ستمبر کے مظاہرے میں شرکت کے لیے کہا گیا ہے۔پاکستان میں عباد فاروق کے بیٹے عمار فاروق کی المناک وفات کے بعد دنیا بھر میں بسنے والے پی ٹی آئی کارکنان میں شدیدغم وغصہ پایا جارہا ہے -اور کل اس کا اظہار اقوام متحدہ کی جنرل اسمبلی کے باہرکیا جائے گا –