کراچی میں ہر روز یہ خبر تو سننے کو ملتی ہے کہ ڈاکو شہری کی موٹر سائیکل لے کر فرار ہوگیا مگر آج عجب واقعہ پیش آیا جب ایک ڈاکو نے حسب معمول ایک شہری کو لوٹنے کے لیے پسٹل لہرایا تو شہری نے خلاف توقع ڈکیتی کے دوران بہادری دکھاتے ہوئے ڈاکو کا ہی اسلحہ چھین لیا، اس پر موٹر سائیکل پر آیا ڈاکو نہتا ہوا تو برا بھلا کہتا ہوا پیدل ہی فرار ہو گیا۔
کراچی : ناظم آباد کے علاقے میں شہری نے ڈکیتی کی کوشش ناکام بنادی#ExpressNews #BreakingNews #nazimabad #robbery #failed #karachi #Pakistan #latest pic.twitter.com/R7cTQJsIun
— Express News (@ExpressNewsPK) August 26, 2023
کراچی کے علاقے ناظم آباد میں موٹرسائیکل پر سوار ڈاکو نے شہری سے لوٹ مار کی کوشش کی تو شہری نے مزاحمت کی اور دھینگا مشتی کے دوران ڈاکو سے اسلحہ چھین لیا۔ ڈاکو نے اسلحہ شہری کے ہاتھ میں دیکھا تو گولی چلنے کے خوف سے اپنی موٹرسائیکل بھی نہ لی اور پیدل ہی بھاگ گیا، بھاگتے ہوئے شہری کو برا بھلا بھی کہتا رہا
۔