عوامی مسلم لیگ کے سربراہ اور سابق وفاقی وزیر شیخ رشید نے روپوشی ختم کرکے منظر عام پر آنے کا اعلان کردیا ہے ۔ اس سے قبل بھی ایک مرتبہ انھوں نے خوف کا بت توڑنے اور عوام میں آنے کا اعلان کیا تھا مگر وہ اپنا وعدہ وفا نہیں کرسکے تھے اور روپوش ہی رہے تھے –
سابق وفاقی وزیر داخلہ شیخ رشید احمد کا اہم ویڈیو پیغام جاری pic.twitter.com/EXPSsYCfIr
— Sheikh Rashid Ahmed (@ShkhRasheed) August 13, 2023
اپنے بیان میں شیخ رشید نے کہا ہے کہ وہ آج رات 10 اور 11 بجے شب کے دعمیان لال حویلی سے خطاب کریں گے ان کا کہنا تھا کہ وہ اجلاس میں فیصلہ کریں گے کہ انھوں نے کسی میدان میں خطاب کرنا ہے یا اپنے گھر کی چھت پر ویڈیو لنک کے ذریعے خطاب کرننا ہے تاہم ان کا قوم سے وعدہ تھا کہ وہ آج خطاب ضرور کریںگے -شیخ رشید گزشتہ 50 سال سے 13 اگست کی رات کو عوام سے خطاب کرتے ہیں لیکن اس سال انتظامیہ نے لال مسجد سے لاؤڈ سپیکر اور آتش بازی کے ٹرک کو اپنی تحویل میں لے لیا ہے ، سابق وزیر داخلہ شیخ رشید احمد کا کہنا تھا کہ پولیس کی جانب سے ہر حد پار کی جارہی ہے ، ہم نسلی لوگ ہیں دوستی اور دشمنی کو قبر تک نبھاتے ہیں ۔ انھوں نے اپنے کارکنوں سے اپیل کی ہے کہ انتظامیہ کی تمام تر جبر کے باوجود آج رات ہر حال میں لال حویلی پہنچیں اور کپتان کے حکم کے مطابق لال ھویلی میں منعقد ہونے والی جشن آزادی میں بھرپور شرکت کریں ۔ شیخ رشید بھی شہباز شریف کی طرح اسٹیبشمنٹ کی آنکھ کا تاہ رہے ہیں مگر اپنے گرفتاری کے بعد سے انھوں نے فوج کے ساتھ راستے جدا کرنے اور کپتان کے ساتھ مرتے دم تک کھڑے رہنے کا اعلان کردیا تھا جس پر وہ آج کے دن تک قائم ہیں –