وطن کی حفاظت پر معمور پاک فوج کے جوانوں کا امتحان ختم ہونے میں ہی نہیں آرہا -پاک فوج کے یہ جوان 1994 سے قربانیاں دیے جارہے ہیں ملک بھر کے مختلف بارڈرز سے ان کو نشانہ بنایا جارہا ہے -آج دہشتگردوں نے پاک ایران بارڈر کا انتخاب کیا اور وطن کے ان سپوتوں پر حملہ کردیا -پاک ایران سرحد پر پاکستانی چوکی پر دہشتگردوں کے حملے میں 2 جوان وطن پر قربان ہو گئے ۔
پاک ایران بارڈر پر دہشت گردوں کا سیکیورٹی فورسز پر حملہ، 2 جوان شہید#arynewsurdu #ISPR https://t.co/5QTOBiWdoO
— ARY News Urdu (@arynewsud) June 1, 2023
پاک فوج کے شعبہ تعلقات عامہ آئی ایس پی آر کے مطابق دہشتگردوں نے پاک ایران سرحد پر سکیورٹی فورسز کی چوکی پر حملہ کیاہے،حملہ بلوچستان کے ضلع کیچ کے علاقہ سنگوان میں کیاگیا۔آئی ایس پی آر کے مطابق چوکی میں موجود چوکس جوانوں نے دہشتگردوں کا ڈٹ کر مقابلہ کیا جوانمردی سے لڑے ،سکیورٹی فورسز نے دہشتگردوں پیچھے ہٹنے پر مجبور کردیا ۔ فائرنگ کے شدید تبادلے میں 2 جوان وطن پر قربان ہو گئے ، شہید جوانوں میں سپاہی حسنین اشتیاق اور عنایت اللہ شامل ہے، شہید سپاہی حسنین کا تعلق ڈی جی خان، عنایت کا جھل مگسی سے ہے۔آئی ایس پی آر کے مطابق سکیورٹی فورسز کا علاقے میں آپریشن جاری ہے، ایرانی حکام سے بھی مسلسل رابطے میں ہیں ۔