ڈی آئی خان: وزارت توانائی نے خیبر پختونخوا کے ضلع ڈیرہ اسماعیل خان (ڈی آئی خان) میں ایک کنویں سے گیس اور کنڈینسیٹ کے نئے ذخائر کی دریافت کا دعوی کیا ہے۔
وزارت توانائی نے ایک بیان میں کہا کہ یہ دریافت نجی شراکت داروں کے تعاون سے کی گئی۔
Image Source: HT
کنویں کو 3527 میٹر کی گہرائی تک کھود دیا گیا اور ڈرلنگ کے نتیجے میں ممکنہ ہائیڈرو کاربن بیئرنگ زونز کی نشاندہی کی گئی جس میں 39.12 ملین معیاری مکعب فٹ یومیہ گیس، 1840 بیرل کنڈینسیٹ یومیہ اور 32.8 بیرل پانی یومیہ ہے۔
بیان میں مزید کہا گیا ہے کہ یہ دریافت مقامی وسائل سے توانائی کی طلب اور رسد کے فرق کو کم کرنے، تیل اور گیس کی درآمدات پر کم انحصار اور ملک کے ہائیڈرو کاربن کے ذخائر کی بنیاد میں اضافہ کرنے میں مثبت کردار ادا کرے گی۔
بیان میں کہا گیا کہ یہ موجودہ کیلنڈر سال کے دوران تیل اور گیس کی 15ویں دریافت ہے۔
گزشتہ ہفتے، آئل اینڈ گیس ڈویلپمنٹ کمپنی لمیٹڈ نے سندھ میں تیل اور گیس کے نئے ذخائر دریافت کیے تھے اور ضلع سانگھڑ میں دریافت کے حوالے سے پاکستان اسٹاک ایکسچینج کو آگاہ کیا تھا۔
او جی ڈی سی ایل نے تیل اور گیس کے ذخائر کی تلاش کا آغاز رواں سال 26 جون کو کیا تھا۔