اسلام آباد: اپوزیشن سپیکر قومی اسمبلی اسد قیصر کے خلاف تحریک عدم اعتماد لانے پر غور کر رہی ہے۔
پیپلز پارٹی نے چیئرمین سینیٹ اور اسپیکر قومی اسمبلی کے خلاف تحریک عدم اعتماد لانے کے لیے مسلم لیگ (ن) سے رابطہ کرلیا۔
پیشرفت سے آگاہ عہدیداروں کا کہنا تھا کہ پیپلز پارٹی کا موقف ہے کہ موجودہ صورتحال میں خفیہ رائے شماری کی وجہ سے حکومت کے بہت سے ارکان اسپیکر کے خلاف ووٹ دیں گے۔
تاہم مسلم لیگ ن نے پیپلز پارٹی کو جلد بازی میں کوئی فیصلہ نہ کرنے کا مشورہ دیا ہے۔
مسلم لیگ ن کا مزید کہنا تھا کہ اپوزیشن کی اسٹیئرنگ کمیٹی حکومت کے خلاف کسی بھی معاملے پر مشترکہ حکمت عملی اپنائے۔
اگر اپوزیشن قومی اسمبلی کے اسپیکر کے خلاف تحریک عدم اعتماد پیش کرنے کا فیصلہ کرتی ہے تو اسے کم از کم 172 ایم این ایز کی حمایت درکار ہوگی۔