صنم جاوید کا مریم نواز کے بعدشہباز شریف کے خلاف بھی الیکشن لڑنے کا اعلان

Mashkoor Hussnain
2 Min Read

پاکستان تحریک انصاف کی کارکن صنم جاوید نے گشتہ روز مریم نواز کے خلاف الیکشن لڑنے کا اعلان کیا تھا مگر آج اس میں ایک اور پیش رفت سامنے آئی ہے اور اب صنم جاوید مریم نواز کے علاوہ مسلم لیگ (ن )کے صدر اور سابق وزیراعظم شہباز شریف کے خلاف بھی الیکشن لڑیں گی۔
ان کا کہنا تھا کہ شہباز اور مریم جس حلقے سے میدان میں اتریں گی وہ اسی حلقے سے ان کے مدمقابل آئیں گی –

صنم جاوید کےوالد جاوید اقبال نے کہا کہ صنم جاوید پی ٹی آئی کی ٹکٹ پر مریم نواز اور شہبازشریف کےخلاف الیکشن لڑیں گی جبکہ ان کی والدہ الیکشن مہم چلائیں گی، انھوں نے میڈیا والوں سے بات کرتے ہوئے کہا کہ صنم جاوید کے کاغذات پر دستخط کروانے کے لیے مجھے 7 دن لگے، صنم جاوید کے خلاف آخری مقدمہ موبائل چوری کا رہ گیا ہے، باقی سب مقدمات میں ضمانتیں ہو چکی ہیں، پی ٹی آئی کے امیدواروں کے راستے میں کون رکاوٹیں ڈالتا ہے، یہ سب کو پتہ ہے۔

اس موقع پرصنم جاوید کی والدہ روبینہ جاوید نےکہا کہ میں خود بیٹی کی انتخابی مہم چلاؤں گی، خوشی ہوتی اگر میری بیٹی باہر ہوتی اور وہ خود انتخابی مہم چلاتی، افسوسناک بات ہے کہ بیٹی جیل میں ہے۔علاوہ ازیں صنم جاوید کے والدین نے مخصوص نشست کے لئے کاغذات جمع کروا دئیے صنم جاوید کے قومی اور صوبائی اسمبلی کی مخصوص نشست پربھی جمع کروائے گئے۔پاکستان میں جن الیکشنز پر سب کی نظر ہوگی اس میں صنم جاوید کا حلقہ بھی شامل ہوگا –

Share This Article
Leave a comment

Leave a Reply

Your email address will not be published. Required fields are marked *