گزشتہ روز پاکستان بھارت کے ہاتھوں بری طرح سے 228 رنز سے شکست کھا گیا جس پر پورے پاکستان میں سوالیہ نشان اٹھ رہے ہیں کہ ایسا کیوں ہوا پاکستان نے رنز چیز کرنے کی کوشش کیوں نہیں کی ؟اس پر اب پاکستان کے سابق کپتان شاہد آفریدی کا موقف بھی سامنے آگیا ہے –
تفصیلات کے مطابق ٹویٹر پر پیغام جاری کرتے ہوئے شاہد آفریدی نے گہرے دکھ کا اظہار کیا اور کہا کہ ”جیت اور ہار مقابلے کا حصہ ہے لیکن جیت کے حصول کیلئے نہ لڑنا افسوسناک ہے، بھارت نے پاکستان کیخلاف میچ میں ہر شعبہ میں بہترین کار کردگی دکھائی ۔انھوں نے سابقہ میچ میں شکست کو بھول جانے کا مشورہ بھی دیا

 

 

سابق کپتان نے ٹوئٹ میں پاکستانی ٹیم کو حوصلہ دیتے ہوئے کہا کہ آپ اگلے میچ میں اچھی کاردکرگی دکھا سکتے ہیں، میچ میں شاندار کامیابی کا مظاہرہ کرتے ہوئے شاہد آفریدی نے ویرات کوہلی اور کے ایل راہول کو پاکستان کے خلاف پریشر میچ میں سینچریاں بنانے پر مبارکباد بھی پیش کی۔
سپر فور مرحلے کے اہم میچ میں بھارت پہلے بیٹنگ کرتے ہوئے 2 وکٹوں کے نقصان پر 356 رنز بنائے جبکہ ہدف کے تعاقب میں قومی ٹیم 32 اوورز میں صرف 128 رنز بناسکی تھی اور 228 رنز سے شکست کا سامنا کرنا پڑا۔پاکستان کی ون ڈے میں یہ دوسری بدترین شکست ہے اس سے قبل سری لنکا نے 2009 پاکستان کو 234 رنز سے ہرایا تھا اس میچ میں پاکستانی ٹیم کی شکست پر پورے پاکستانی شائقین سخت مایوس اور غصے میں ہیں ۔