بازی گر اور دھڑکن جیسی شاہکار فلموں میں کام کرکے نام بنانے والی بالی ووڈ اداکارہ شلپا شیٹی کے گھر میں چوری کی واردات ہوگئی – تاہم پولیس نے بروقت کاروائی کرتے ہوئے واردات کرنے والے دو ملزمان کو گرفتار کر لیا ہے ۔
ممبئی پولیس نے اداکارہ شلپا شیٹھی کے بنگلے میں چوری کے الزام میں دو افراد کو گرفتار کر لیا ہے۔
تازہ ترین خبروں کے لیے ہماری ویب سائٹ وزٹ کریں،https://t.co/Wfp6Y0lh94،#rockedgepk #rockedgenews #rockedgeurdu #ShilpaShetty #house #robbber #arrsested #actor #police pic.twitter.com/xW8fKKHYuk
— Rockedge Urdu (@Rockedgeurdu) June 16, 2023
گزشتہ ہفتے اداکارہ شلپا کے منیجر نے ان کے بنگلے سے قیمتی اشیا چوری ہونے سے متعلق مقدمہ درج کروایا تھا۔ جس کے بعد پولیس نے تحقیقات کا آغاز کرتے ہوئے ڈکیتی واردات میں ملوث 2 افراد کو گرفتار کرلیا ہے۔
درج مقدمے کے مطابق ڈکیتی واردات کا واقعہ اس وقت پیش آیا جب اداکارہ شلپا اپنی فیملی کے ساتھ چھٹیوں پر ملک سے باہر گئی ہوئی تھیں ، پولیس کے مطابق اداکارہ کے اہلخانہ کی غیر موجودگی میں دو ڈکیت گھر کی 25 فٹ دیوار پھلانگ کر اندر داخل ہوئے اور اداکارہ کے گھر کے ماسٹر بیڈ روم ، ڈائننگ روم اور اداکارہ کی بیٹی کے کمرے سے قیمتی سامان لے کر کر فرار ہوگئے۔
بعد ازاں اداکارہ کے منیجر کی مدعیت میں مقدمہ درج کرلیا گیا ہے جس کے بعد پولیس نے کارروائی کرتے ہوئے گھر میں لگے سکیورٹی کیمرو کی مدد سے دونوں کو ڈکیتوں کی پہچان کی اور پھر انہیں گرفتار کرلیا گیا ۔