پی ٹی آئی کی گرفتار خواتین نے عدالت میں پیشی کے موقع پر اپنے بیان میں جیل میں بدسلوکی کی افواہوں کی تردید کی ہے۔

عدالت میں پیشی سے قبل پی ٹی آئی کی گرفتار خاتون صنم جاوید خان نے جیل میں تشدد کے الزامات سے متعلق سوال کا جواب دیتے ہوئے کہا کہ جیل میں کوئی زیادتی نہیں ہوئی، کیونکہ ہم نے کچھ کیا ہی نہیں تو زیادتی کیا ہوگی۔ دوسری خاتون نے کہا کہ اس سے زیادہ کیا زیادتی ہو سکتی ہے کہ ہمیں بے گناہ جیل میں رکھا۔ان کے علاوہ عالیہ حمزہ نے کہا کہ انہوں نے جس طرح گھر پر دھاوا بولا، کیا وہ قابل مذمت نہیں؟۔ ایک خاتون نے کہا کہ اگر آپ کو سوشل اکاؤنٹس سے مسئلہ ہے تو سوشل میڈیا کے کیس کریں، اس طرح سیاسی انتقام کا نشانہ بنانا ضروری ہے؟۔

 

 

ان خواتین نے مشکل وقت میں پارٹی چھوڑنے والے پی ٹی آئی کے رہنماؤں پر بھی طنز کیا ان کا کہنا تھا کہ ہم 25 روز سے جیل کاٹ رہی ہیں اور یہ بڑے بڑے دعوے کرنے والے 5 دنوں میں ہی پیٹھ دکھا کر بھاگ گئے – آج عدالت پیشی کے موقع پر خدیجہ شاہ نے صحافیوں نے جب ان سے کچھ سوال کیے تو اس کے جواب میں خدیجہ شاہ نے صرف اتنا کہا کہ یاسمین راشد کی طبیعت ٹھیک نہیں ہے وہ کینسر کی مریضہ رہی ہیں بہت ضعیف خاتون ہیں ان کی جانب دیکھنے کی ضرورت ہے –