اسلام آباد: وزیراعظم شہباز شریف نے معروف صحافی ارشد شریف کے قتل پر سپریم کورٹ کی جانب سے لیے گئے ازخود نوٹس کا خیرمقدم کیا ہے۔

انہوں نے یقین دلایا کہ حکومت عدالت سے مکمل تعاون کرے گی۔

انہوں نے ایک ٹویٹر پوسٹ میں کہا کہ میں صحافی ارشد شریف کے قتل پر سپریم کورٹ کی جانب سے ازخود نوٹس لینے کا خیرمقدم کرتا ہوں۔

CJP Bandial takes suo motu notice of Arshad Sharif's 'brutal killing' -  Economy.pk

image source: Economy.pk

شہباز شریف نے کہا کہ وہ قتل کی تحقیقات کے لیے جوڈیشل کمیشن بنانے کے لیے چیف جسٹس آف پاکستان کو پہلے ہی خط لکھ چکے ہیں۔

دوسری جانب پاکستان تحریک انصاف (پی ٹی آئی) کی قیادت نے بھی سپریم کورٹ کی جانب سے لیے گئے نوٹس کا خیرمقدم کیا ہے اور اس حوالے سے سپریم کورٹ کی تعریف کی ہے۔
صحافی کو 23 اکتوبر کی صبح کینیا میں قتل کر دیا گیا تھا۔ کینیا کی پولیس نے دعویٰ کیا تھا کہ صحافی کو غلط شناخت کی بنا پر قتل کیا گیا جبکہ اہل خانہ اور صحافی برادری نے ان دعوؤں کو مسترد کر دیا۔
قبل ازیں چیف جسٹس پاکستان عمر عطا بندیال کی سربراہی میں سپریم کورٹ آف پاکستان نے حکومت کو آج رات تک فرسٹ انفارمیشن رپورٹ (ایف آئی آر) درج کرنے کی ہدایت کی۔