اگر یہ کہا جائے کہ ٹی ٹونٹی کی سلطنت پر اس وقت محمد رضوان کا راج ہے تو بالکل غلط نہ ہوگا رضوان اور بابر کی جوڑی اس وقت دنیا کی تمام اوپننگ جوڑیوں پر بھاری ہے – ٹی ٹوینٹی ریکنگ میں پہلے نمبر پر موجود محمد رضوان کو آئی سی سی کی جانب سے ان کی خدمات کا صلہ دے دیا گیا جب انہیں آئی سی سی کی جانب سے ستمبر کے مہینے کیلئے پلیئر آف دی منتھ قرار دیا گیاہے ، اس دوران انہوں نے ٹی ٹوینٹی کرکٹ میں بہترین پر کارکردگی کا مظاہرہ کیا اور رینکنگ میں بھی پہلی پوزیشن برقرار رکھی ان کے مدمقابل بھارت کے اکشر پاٹیل اور آسٹریلیا کے آل راﺅنڈ ر کیمرون گرین موجود تھے ۔انھوں نے انگلینڈ کے خلاف ایک سیریز میں 315 رنز کاعالمی ریکارڈ بھی اپنے نام کیا انھوں نے ایشیا کپ اور انگلینڈ کے کیخلاف سیریز میں 553 رنز بنائے –
آئی سی سی نے پاکستانی بیٹر محمد رضوان کو' پلیئر آف دی منتھ' قرار دے دیا .
مزید پڑ ھیں :https://t.co/lZVhYq1OKd#newstodayurdu #ICC #ICCPlayeroftheMonth #MuhammadRizwan #PakistaniCricketer #BreakingNewsNow #ICCMen pic.twitter.com/QbXo9bj9JJ
— News Today (@newstoday_org) October 10, 2022
محمد رضوان نے یہ اعزاز حاصل کرنے پر کہا کہ اس انعام پر میں اللہ تعالیٰ کا شکرادا کرتاہوں جس نے مجھے اس قابل بنایا ۔ انھوں نے پاکستان کی فتوحات میں حصہ ڈالنے والے باقی کھلاڑیوں کی کارکردگی کو بھی سراہا ،ان کا کہنا تھا کہ اس طرح کے اعزازات آپ کے اعتماد کو بڑھاتے ہیں، میں اپنی کارکردگی سے مطمئن ہوں اور آسٹریلیا میں بھی اسی رفتار کے ساتھ جانا چاہوں گا ۔ انھوں نے یہ اعزاز پاکستان میں سیلاب کے متاثرین کے نام کردیا ۔