سابق وزیراعظم نے اپنے ٹوئٹر ہینڈل سے ایک پیغام میں سندھ حکومت کی جانب سے حلیم عادل شیخ پر ظلم و ستم اور گرفتاری کی مذمت کی۔
عمران خان نے کہا کہ “یہ خالص فاشزم ہے، جو زرداری-شریف مافیا کے ان لوگوں کو ختم کرنے کے طریقہ کار کی عکاسی کرتا ہے جنہیں وہ خرید نہیں سکتے،” عمران خان نے مزید کہا کہ ایسا رویہ کسی بھی جمہوریت میں قطعی طور پر ناقابل قبول ہے۔
واضح رہے کہ حلیم عادل شیخ گزشتہ روز جامشورو کی انسداد بدعنوانی کی عدالت میں گئے تھے تاہم اے سی ای ٹیم نے انہیں احاطے کے باہر سے گرفتار کرلیا۔
حلیم عادل شیخ کو بعد ازاں اینٹی کرپشن اسٹیبلشمنٹ کی ٹیم نے کراچی منتقل کیا اور ان کے خلاف زمین کا مقدمہ درج کرایا۔ بدھ کو اے سی ای ٹیم نے انہیں کراچی کے عزیز بھٹی تھانے منتقل کیا۔ اے سی ای نے ان کے خلاف ملیر اراضی کا مقدمہ درج کیا۔
ایم پی اے راجہ اظہر، سعید آفریدی اور رابستان خان سمیت پی ٹی آئی کے کارکنوں اور ارکان اسمبلی کی بڑی تعداد عزیز بھٹی تھانے پہنچ گئی۔
سابق گورنر عمران اسماعیل اور فواد چوہدری نے پریس کانفرنس کے دوران سندھ حکومت سے حلیم عادل شیخ کو فوری رہا کرنے کا مطالبہ کیا۔