لعل شہباز قلندرؒ کی درگاہ سے سونا چرانے والا چور گرفتار

Mashkoor Hussnain
1 Min Read

یوں تو چوری کرنا شرعئی جرم بھی ہے اور قانونی بھی مگر کسی مقدس مقام سے چوری اور بھی قابل شرم جرم اور گناہ ہے مگر انسان نے اندر کا خناس اس کو بدترین حرکات پر بھی مجبوور کردیتا ہے ایسا ہی کچھ ایک چور علی رضا گوپانگ نے کیا جس نے ایک مقدس درگاہ لعل شہباز قلندر سے چڑھاوے کا سونا چرالیا -اس پر پوری دنیا میں پاکستان کی رسوائی کی – تاہم پولیس نے اس پر بھرپور ایکشن لیا اور چور کا پتہ چلا لیا -سیہون میں حضرت لعل شہباز قلندرؒ کی درگاہ سے سونا چرانے کے مقدمے میں نامزد ملزم کو بالآخر گرفتار کرلیاگیا۔

ڈپٹی ڈائریکٹر اینٹی کرپشن جامشورو نور لغاری نے انکشاف کیا کہ حضرت لعل شہباز قلندرؒ کی درگاہ سے نذرانے کی چوری کے معاملے میں نامزد ملزم علی رضا گوپانگ کو گرفتار کرلیا ہے،علی رضا گوپانگ پر 1 کروڑ 23 لاکھ روپے کے سونے اور چاندی کی چوری کا الزام ہے۔ اس معاملے میں منیجر اوقاف زبیر بلوچ کو بھی ضمانت مسترد ہونے پر جیل بھجوا دیا گیا ہے۔ڈپٹی ڈائریکٹر اینٹی کرپشن کا کہنا تھا کہ گرفتار ملزم علی رضا سے اس معاملے میں مزید تفتیش جاری ہے۔

Share This Article
Leave a comment

Leave a Reply

Your email address will not be published. Required fields are marked *