شاہ رخ خان کی بیٹی سہانا خان کی اداکاری پر بھارتی شائقین کی تنقید

Mashkoor Hussnain
3 Min Read

اپنی بیٹی سہانا خان کی پہلی فلم میں ناکامی پر شاہ رخ خان بہت رنجیدہ دکھائی دے رہے ہیں اور وہ ابھی اپنی بیٹی کا کیرئیر خراب کرنے کے لیے بالکل تیار نہیں ہیں اس لیے انھوں نے سہانا خان کو اپنی فلموں میں لینے سے انکار کردیا ہے اس کی ایک وجہ یہ بھی ہوسکتی ہے کہ کہ سہانا ابھی بہت کم عمر ہے اس لیے وہ چاہتے ہیں کہ وہ کچھ سالوں بعد فلم انڈسٹری میں آئے ۔

ایکسپریس نیوز کے مطابق ڈنکی سٹار شاہ رخ خان نے ‘پٹھان’ اور ‘جوان’ میں اپنی پرفارمنس سے مداحوں کو حیران کیا جبکہ اُن کی بیٹی سہانا خان نے اپنی ڈیبیو فلم ‘دی آرچیز’ سے بالی ووڈ میں اپنے کیریئر کا آغاز کیا لیکن اس فلم میں سہانا خان کی اداکاری پر تنقید کی گئی۔ ‘دی آرچیز’ کی ریلیز سے قبل کہا جارہا تھا کہ شاہ رخ خان اپنی اگلی فلم میں اپنی بیٹی سہانا خان کے ہمراہ نظر آئیں گے، مداح کنگ خان اور ان کی بیٹی سہانا کو بڑی اسکرین پر ایک ساتھ دیکھنے کے لیے بےتاب تھے کہ اچانک بُری خبر آگئی تاہم یہ حتمی فیصلہ نہین اگر شائقین کی جانب سے بہت اصرار ہوا تو شاہ رخ کو سہانا کو سلور سکرین پر لانا ہی پڑےگا -اور یہی وہ چاہتے ہیں کہ ان کے مداح اب ان کی بیٹی کی فلموں میں واپسی کا پرزور مطالبہ کریں -۔

بھارتی میڈیا کے مطابق سوجوائے گھوش کی ہدایتکاری میں بننے والی فلم میں سہانا نے یتیم لڑکی کا کردار ادا کرنا تھا اور شاہ رخ خان فلم میں اس لڑکی کی جان بچانے کی کوشش کرتے اور اس طرح مظلوم لڑکی کی وجہ سے سہانا پورے بھارت میں نمایاں نظر آتی لیکن اب اداکار نے اپنی بیٹی کے ساتھ فلم کرنے سے انکار کردیا ہے جس کے بعد یہ فلم غیر معینہ مدت کے لیے تاخیر کا شکار ہوگئی ہے۔ رپورٹ میں بتایا گیا کہ شاہ رخ خان نے اپنی بیٹی کے ساتھ فلم نہ کرنے کا فیصلہ سہانا خان کی ڈیبیو فلم ’دی آرچیز‘ پر ہونے والی تنقید کی وجہ سے کیا ہے کیونکہ وہ نہیں چاہتے کہ آنے والی فلموں میں بھی اُن کی بیٹی کا موازنہ ساتھی اداکاروں سے کیا جائے اور اس کے بعد ان کی بیٹی کا اعتماد کم پڑ جائے ۔

Share This Article
Leave a comment

Leave a Reply

Your email address will not be published. Required fields are marked *