بے نظیر کی برسی کے روز پیپلز پارٹی کےفیصل صالح حیات نون لیگ میں شامل

Mashkoor Hussnain
2 Min Read

عام انتخابات سے قبل سیاسی جوڑ توڑ کا سلسلہ جاری ہے اس میں اج ایک بڑی پیش رفت دیکھنے کو ملی جب پاکستان پیپلز پارٹی کے بڑے رہنما سید فیصل صالح حیات نے آج کے روز بے نظیر کی برسی کے دن نون لیگ میں شامل ہونے اور زرداری اور بلاول سے راہیں جدا کرنے کا فیصلہ کیا ،سابق وزیر داخلہ فیصل صالح حیات باقاعدہ مسلم لیگ (ن) میں شامل ہو گئے۔

آج شہباز شریف انہیں اپنی جماعت میں شمولیت کی دعوت دینے جھنگ کے علاقے شاہ جیونہ پہنچے -اس موقع پر صدر مسلم لیگ( ن) شہبازشریف نے گفتگو کرتے ہوئے کہاکہ مخدوم صاحب اور ان کے گروپ کو دل کی گہرائیوں سے خوش آمدید کہتے ہیں،فیصل صالح حیات کی مسلم لیگ( ن) میں شمولیت پر شکرگزار ہیں،مخدوم صاحب کا گھرانہ ایک سیاسی گھرانہ ہے،اس خان دان کی لمبی تاریخ ہے۔

صدر مسلم لیگ(ن) نے کہاکہ فیصل صالح حیات کی شمولیت سے نوازشریف کی قیادت کو سپورٹ ملے گی،اللہ نے موقع دیا تو نوازشریف چوتھی بار وزیراعظم بنیں گے، نوازشریف اب صرف سیاستدان نہیں، ایک سٹیٹس مین ہیں،انکا وسیع تجربہ ہے،نوازشریف کی قیادت میں ہم شبانہ روز محنت کریں گے اور ملک کو عظیم بنائیں گے۔فیصل صالح حیات عابدہ حسین کے کزن اور سخت سیاسی حریف ہیں مگر پی ٹی آئی کی مقبولیت کے بعد ان کی سیاست میں پکڑ کمزور ہوئی ہے –

Share This Article
Leave a comment

Leave a Reply

Your email address will not be published. Required fields are marked *