پی ٹی آئی امیدواروں کے کاغذات نامزدگی کیوں جمع نہیں ہورہے؟ ؛ہائی کورٹ

Mashkoor Hussnain
2 Min Read

پاکستان تحریک انصاف کے امیدواروں کو کاغزات نامزدگی جمع کرنے کے معاملے پر مشکلات کا سامنا ہوا تو انھوں نے ہائی کورٹ سے رجوع کرلیا جس پر ہائی کورٹ نے واضح احکامات جاری کردیے -لاہور ہائیکورٹ کے جسٹس علی باقر نجفی نے الیکشن کمیشن کے ڈپٹی ڈائریکٹر لیگل کو کہا ہے کہ آپ ریٹرننگ افسر سے فوری رپورٹ طلب کریں اور بتائیں، عدالت آپ کے پیچھے کھڑی ہے عملدرآمد آپ نے کرانا ہے، سپریم کورٹ کے احکامات بالکل واضح ہیں، کوئی ابہام میں نہ رہے سب کو لیول پلئنگ فیلڈ ملنا چاہیے -۔

لاہور ہائی کورٹ میں کاغذات نامزدگی جمع نہ کرنے کے خلاف دائر درخواست پر سماعت ہوئی۔جسٹس علی باقر نجفی نے قیصرہ الہٰی سمیت دیگر کی درخواستوں پر سماعت کی۔جسٹس علی باقر نجفی نے استفسار کیا کہ آپ کو سپریم کورٹ کے آرڈر کا پتہ ہے۔الیکشن کمیشن کے ڈپٹی ڈائریکٹر لیگل نے کہا کہ جی ہم نے چیف سیکریٹری، تمام ڈی سیز اور ڈی پی اوز کو خطوط لکھے۔

عدالت نے کہا کہ تو پھر پی ٹی آئی کے امیدواروں کے کاغذات نامزدگی کیوں نہیں لیے جا رہے، وقت بہت کم ہے آپ عدالت کے احکامات پر عملدرآمد کریں، اگر الیکشن کمیشن خود کام نہیں کرنا چاہتا تو الگ بات ہے، تمام انتظامیہ الیکشن کمیشن کے ماتحت ہے، الیکشن کمیشن اپنے اختیارات استعمال کرے، آپ کو پتہ ہے کیا کچھ ہو رہا ہے؟ الیکشن کمیشن صاف شفاف انتخابات کے لیے اقدامات کرے، یہ شکایات انتہائی سنجیدہ نوعیت کی ہیں، جو درخواستیں آرہی ہیں ان کا ریکارڈ بن رہا ہے، انھوں نے الیکشن کمیشن کو ہدایت کی کہ عدالت کے احکامات پر عملدرآمد نہیں ہو رہا تو ڈی پی اوز اور آر اوز کے خلاف توہین عدالت درخواست دائر کریں۔

Share This Article
Leave a comment

Leave a Reply

Your email address will not be published. Required fields are marked *