کل پاکستان تحریک انصاف کےورچوئل جلسے کے دوران ملک بھر میں انٹر نیٹ سروس سلو ہونے کی خبریں میڈیا سمیت دنیا بھر میں پھیلیں تو اس پر پی ٹی اے کا موقف بھی سامنے آگیا -پاکستان ٹیلی کمیونیکیشن اتھارٹی (پی ٹی اے) کا کہنا ہے کہ ملک کے کچھ علاقوں میں انٹرنیٹ کی سست روی کی شکایات کی تحقیقات کر رہے ہیں۔
پی ٹی اے کی جانب سے جاری بیان میں کہا گیا ہے کہ ملک بھر میں انٹرنیٹ تک رسائی کی مجموعی صورت حال نارمل ہے۔پاکستان ٹیلی کمیونیکیشن اتھارٹی کا کہنا ہے کہ پاکستان بھر میں اتوار کو فیس بک، یوٹیوب، انسٹاگرام اور ایکس کی سروس کئی گھنٹے متاثر رہی جس کی تحقیقات کر رہے ہیں۔یاد رہے کہ کل شب پی ٹی آئی نے نے ایک کامیاب ورچوئل جلسہ کیا جو 4 گھنٹے 40 منت تک جاری رہا تھا اس دوران انٹرنیں کی رفتار کم ہونے اور یوٹیوب بند ہونے پر لوگوں کو سخت مشکلات کا سامنا کرنا پڑا تھا –