لاہور ہائیکورٹ کا بغیر لائسنس پالتو جانوروں کا کاروبار کرنیوالی دکانیں سیل کرنے کا حکم

Mashkoor Hussnain
2 Min Read

لاہور پولیس نے چنگچی رکشوں کے بعد اب ان دکانداروں کے خلاف کریک ڈاؤن کا فیصلہ کرلیا جو لائسنس کے بغیر پالتو جانوروں کا کاروبار کررہے تھے -پولیس کا کہنا ہے کہ لوگوں کی مجبوری اور بے روزگاری کا ادراک ہے مگر ہائی کورٹ کے حکم پر یہ کاروائی ہوگی -کیونکہ لاہور ہائیکورٹ نے بغیر لائسنس پالتو جانوروں اور پرندوں کا کاروبار کرنیوالی دکانیں سیل کرنے کا حکم دیا ہے ۔

لاہور ہائیکورٹ میں ٹولنٹن مارکیٹ کی صفائی نہ ہونے پر ایک شہری نے عدالت کا رخ کرلیا ، درخواست گزار کے وکیل کی جانب سے مؤقف اختیار کیا گیا کہ ٹولنٹن مارکیٹ میں صفائی کے انتظامات نہ ہونےسے علاقے میں بدبو پھیلتی ہے، ٹولنٹن مارکیٹ میں پالتو جانوروں اور پرندوں کا غیرقانونی کا کاروبار کیا جارہا ہے،درخواست میں استدعا کی گئی ہے کہ عدالت متعلقہ حکام کو ٹولنٹن مارکیٹ کی صفائی کے احکامات جاری کرے۔

عدالت نے بغیر لائسنس پالتو جانوروں اور پرندوں کا کاروبار کرنیوالی دکانیں سیل کرنے کا حکم دیتے ہوئے ٹولنٹن مارکیٹ اور ملحقہ نالے کی صفائی کا بھی حکم دیدیا،عدالت نے ٹولنٹن مارکیٹ کے صدر کو بھی فریق بنانے کی ہدایت کرتے ہوئے آئندہ سماعت پر واسا، ایل ڈی اے، دیگر اداروں سے عملدرآمد رپورٹس طلب کرلیں۔

Share This Article
Leave a comment

Leave a Reply

Your email address will not be published. Required fields are marked *