آج بھارت کی تاریخ کا سیاہ ترین دن تھا -بھارت کے شہر اڑیسہ میں ٹرین کا خوفناک حادثہ پیش آیا -ابتدائی اطلاعات کے مطابق 3 ٹرینوں کے ٹکرانے کے نتیجے میں اموات کی تعداد 288 ہوگئی جبکہ 9سو سے زائید افراد بری طرح زخمی ہیں ۔بھارتی میڈیا کے مطابق کولکتہ سے چنائی جانے والی مسافر ٹرین کی متعدد بوگیاں بھارتی ریاست اریسہ کے ضلع بالاسور میں پٹری سے اتر کر دوسری پٹری پر مخالف سمت سے آنے والی ٹرین سے جا ٹکرائیں۔ اسی دوران ایک مال گاڑی بھی دونوں ٹرینوں سے ٹکرا گئی۔ٹرین کا یہ حادثہ بھارت کی تاریخ کے بدترین حادثات میں سے ایک ہے

 

 

قریبی دیہاتوں سے لوگ اپنی مدد آپ کے تحت مسافروں کی امداد کو پہنچے۔ حادثے میں لقمہ اجل بننے والوں کے اعضا ءدور دور تک پھیل گئے جبکہ 900 افراد زخمی ہوئے۔حکام کے مطابق ٹرینوں کی تباہ ہونے والی بوگیوں کے درمیان سینکڑوں افراد اب تک پھنسے ہوئے ہیں جس کی وجہ سے مرنے والوں کی تعداد میں مذید اضافے کا خدشہ ہے ۔ سینکڑوں ریسکیو اہلکار، سیکیورٹی فورسز اہلکار اورایمبولینسز امدادی کارروائیوں میں حصہ لے رہے ہیں۔ ہسپتالوں میں ایمرجنسی کا اعلان کردیا گیا ہے۔تباہ ہونے والی بوگیوں کو کاٹ کر پھنسے ہوئے افراد کو نکالا جا رہا ہے۔ ہلاکتوں میں اضافے کا خدشہ ہے۔200 سے زائد ایمبولینسوں نے ریسکیو آپریشن میں حصہ لیا جبکہ سینکڑوں ڈاکٹروں کو قریبی ہسپتالوں میں پہنچا دیا گیاہے ۔جائے وقوعہ کے دل دہلادینے والے مناظر ہیں -لوگوں کی ایک بہت بڑی تعداد خون کے عطیات دینے میں مصروف ہے –