پنجاب فلور ملز ایسوسی ایشن نے 13فروری سے صوبے بھر میں ہڑتال کا اعلان کیا تو پنجاب حکومت نے ان کے اس ردعمل کو ناقبل قبول قرار دیتے ہوئے ان کے خلاف کریک ڈاؤن کا فیصلہ کیااور اب تک کی اطلاعات کے مطابق 12ملوں کے خلاف کاروائی عمل میں لائی گئی ۔

 

 

فلور ملز ایسوسی ایشن پنجاب کے صدر کاکہنا تھا کہ ڈائریکٹر فوڈز نے ہمارے مسائل سننے سے انکار کردیا ہے جس کی وجہ سے مسائل میں اضافہ ہو رہا ہے ، اس طرح کے حالات میں کام جاری رکھنا ممکن نہیں ہے ۔ انہوں نے کہا کہ پنجاب کی کوئی بھی فلور مل سرکاری گندم کا کوٹہ نہیں اٹھائے گی جبکہ 14فروری سے صوبے بھر میں آٹے کی سپلائی بھی بند کردی جائے گی ۔ فلور ملز کی جانب سے اس اقدام کے بعدصوبے بھر میں آٹے کی قلت کا خدشہ پیدا ہوگیا ہے ۔پنجاب حکومت نے ہڑتال پر اکسانے والی 12 فلور ملوں کا کوٹہ معطل کردیا۔

محکمہ خوراک پنجاب نے فلور ملز مالکان کو تنبیہہ کی کہ سرکاری گندم کو اوپن مارکیٹ میں فروخت کرنے والوں کیخلاف سخت قانونی کارروائی کی جائے گی ،پنجاب کی 95 فیصد فلور ملیں اپنا سرکاری گندم کوٹہ لے رہی ہیں ، اتوار کا کوٹہ بھی کھول دیاگیا،کسی بھی فلور مل کو سرکاری گندم اوپن مارکیٹ میں فروخت کرنے کی اجازت نہیں دیں گے ۔