پاکستان تحریک انصاف کی مقبولیت اس وقت عروج پرہے یہی وجہ ہے کہ ملک بھر سے پی ڈی ایم کے رہنما عوام کا ذہن پڑھ کر تحریک انصاف میں شامل ہوتے جارہے ہیں- آج ٹیکسلا سے مسلم لیگ کے ایک رہنما نے میاں نواز شریف اور شہباز شریف سے راہیں جدا کرلیں اور تحری انصاف کے کارواں میں شامل ہوگئے –

 

پاکستان تحریک انصاف نے مسلم لیگ (ن) کی اہم وکٹ گرا دی سردار ممتاز خان عمران خان کے کھلاڑی بن گئے ۔مسلم لیگ (ن) کے ٹیکسلا سے ڈویژنل نائب صدر نے اپنے ہی گھر میں منعقدہ ایک تقریب میں باقاعدہ طور پر تحریک انصاف میں شمولیت کا اعلان کیا ، تقریب میں سابق وفاقی وزیر اور پی ٹی آئی رہنما غلام سرور خان بھی موجود تھے ۔

 

اس موقع پر غلام سرور خان نے کہا کہ پی ٹی آئی کی سیاست پاکستان کی سالمیت ہے ، عمران خان کی سیاست ملک اور آنے والی نسلوں کی بہتری کیلئے جبکہ مسلم لیگ (ن) کی سیاست پاکستان اور عوام کی بجائے صرف اپنے مفاد کیلئے ہے ۔ پی ٹی آئی تمام صوبوں کی جماعت ہے اس کے علاوہ تمام جماعتیں علاقائی جماعت بن کر رہ گئی ہیں ۔