وزیراطلاعات مریم اورنگزیب نے ہفتہ کو کہا کہ شہباز شریف کی زیرقیادت نو منتخب حکومت آئین کے مطابق اپنی مدت پوری کرے گی۔یہ بیان مسلم لیگ (ن) کی سینئر قیادت کی لندن میں ملاقات کے بعد سامنے آیا ہے جس کی تفصیلات جلد جاری ہونے کی توقع ہے اس سے پہلے ملک بھر میں اس حکومت کے خاتمے اور جلد انتخابات کی قیاس آرائیاں کی جا رہی ہیں۔اس کی وجہ بنیاد وہ بیانات تھے جب مسلم لیگ ن کی نائب صدر مریم نواز اور وزیر دفاع خواجہ آصف نے پاکستان کو معاشی محاذ پر درپیش مشکلات کے پیش نظر قبل از وقت انتخابات پر زور دیا تھا۔
ملک کی سب سے بڑی اپوزیشن جماعت پی ٹی آئی کے چیئرمین عمران خان نے بھی فوری انتخابات کا مطالبہ کیا ہے کیونکہ انہوں نے نئی حکومت کو قبول کرنے سے انکار کرتے ہوئے 20 مئی کے بعد اسلام آباد کی طرف مارچ کرنے کا عزم ظاہر کیا ہے۔
آج کی پریس کانفرنس میں وزیر اطلاعات نے تصدیق کی کہ مسلم لیگ (ن) کے دورہ لندن کے حوالے سے قیاس آرائیاں کی جارہی ہیں اور وزیراعظم شہباز شریف جلد اس کی تفصیلات قوم کے سامنے رکھیں گے
وزیر اطلاعات مریم اورنگزیب نے نے پریس ٹاک میں صحافیوں کو بتایا کہ دورہ نجی نوعیت کا تھا، لندن ہڈل کے دوران بڑھتی ہوئی مہنگائی پر تفصیلی بات چیت ہوئی۔