پاکستانی قوم اور پاکستانی فوج کا جو امتحان 1994 سے شروع ہوا تھا آج تک اس کا خاتمہ نہ ہوسکا -اور پاکستان کے سرحدی علاقوں میں آج بھی معصوم افراد اور فوجی جوان دہشت گردی کا نشانہ بن رہے ہیں -آج بدبختوں نے ایک بار پھر شمالی وزیرستان کو اپنا ٹارگٹ بنایا – شمالی وزیرستان کی تحصیل دتہ خیل میں لینڈ مائن دھماکہ ہوا جس کے نتیجے میں ایک بچہ جاں بحق ہو گیا۔
شمالی وزیرستان کی تحصیل دتہ خیل میں لینڈ مائن دھماکہhttps://t.co/NQZdcz1W7A
— Daily Pakistan (@DailyPakistan) June 9, 2023
اطلاعات کے مطابق دتہ خیل میں وطن دشمنوں نے زمین میں بارودی سرنگیں چھپا رکھی ہیں جو پاکستانیوں کو ہدف بناتی ہیں – آج شمالی وزیرستان میں یہی لینڈ مائن زوردار دھماکے سے پھٹ گئی جس کی زد میں آنے سے 12 سالہ بچہ شدید زخمی ہو گیا تاہم زخموں کی تاب نہ لاتے ہوئے موت کے منہ میں چلا گیا یاد رہے کہ گذشتہ روز جنوبی وزیرستان میں ایسا ہی دلدوز واقعہ پیش آیا جس میں لینڈ مائن پھٹنے سے دو لڑکیاں جاں بحق ہو گئی تھیں جن کی عمریں آٹھ اور پندرہ سال کے درمیان بتائی گئیں۔