خود اڈیالہ جیل گرفتاری دینے پر بشریٰ بی بی کو داد دوں گا ؛رہنما پیپلز پارٹی

Mashkoor Hussnain
2 Min Read

توشہ خانہ کیس میں جس طرح بشریٰ بی نے خود اڈیالہ جانے کا فیصلہ کیا ان کے اس طرز عمل سے نہ صرف تحریک انصاف والوں کو حیرانی ہوئی بلکہ ان کی مخالف جماعتیں بھی ششدر رہ گئیں اور پیپلز پارٹی کے ناصر حسین شاہ نے تو برملا ان کے اس طرزعمل پر کھل کر داد دی – رہنما پیپلزپارٹی ناصرحسین شاہ کا کہنا ہےکہ بشری بی بی کو داد دوں گا کہ وہ توشہ خانہ کیس کے فیصلے کے بعد خود اڈیالہ جیل پہنچیں، پی ٹی آئی کا کوئی رہنما نہیں اس طرح جیل خود جیل نہیں پہنچا، ہم شہر میں امن چاہتے ہیں اس کے لیے جھکنا بھی پڑا تو جھکیں گے۔

ناصرحسین شاہ نے پریس کانفرنس کرتے ہوئے کہا کہ مجرم کا تعلق کسی بھی پارٹی سے ہو اس کو سزا ملنی چاہیے، بڑی مشکل سے کراچی کا امن واپس آیا ہے، ضلع وسطی میں جو صورتحال بنی اس کی مذمت کرتے ہیں، ہمارا قبضہ کراچی پر نہیں کراچی کے لوگوں کے دلوں پر ہوسکتا ہے۔

سندھ میں پیپلز پارٹی مکمل سوئپ کر رہی ہے، قومی اسمبلی میں سب سے بڑی پارٹی پیپلز پارٹی ہوگی، بلاول بھٹو بہت اچھی الیکشن مہم چلارہے ہیں، ہم چاہتے ہیں کہ الیکشن پر امن ہوں۔بلاول بھٹو بھی کہہ چکے ہیں کہ پی ٹی آئی کو الیکشن کی اجازت ملنی چاہیے، ہم نے پی ٹی آئی سے الیکشن نشان واپس لینے والے فیصلے کی بھی مخالفت کی۔

Share This Article
Leave a comment

Leave a Reply

Your email address will not be published. Required fields are marked *