سال 2026تک کراچی کی طرح لاہور میں بھی پانی ختم ہو جائیگا-جسٹس شاہد کریم

Mashkoor Hussnain
2 Min Read

پاکستان دنیا کے ان چند خوش قسمت ترین ممالک میں سے ای تھا جہاں پانی کا ایک بہت بڑا زیرزمین ذخیرہ موجود تھا مگر حکومت کی ناکام پایسیوں کے سبب ہم نے قدرت کے اس خزانے کی قدر نہیں کی اور اب ہم اس کی سزا بھگتنا شروع ہوگئے ہیں -آج لاہور ہوئی کورٹ میں یہ بات بھی سنی گئی کہ 3 سال بعد لاہور شہر کا پانی بھی ختم ہوجا ئے گا -لاہور ہائیکورٹ میں سموگ کے تدارک سے متعلق کیس میں جسٹس شاہد کریم نے ریمارکس دیتے ہوئے کہاکہ رپورٹس بتا رہی ہیں 2026تک لاہور میں پانی ختم ہو جائیگا، ٹینکر چلیں گے۔

نجی ٹی وی چینل دنیا نیوز کے مطابق لاہور ہائیکورٹ میں سموگ کے تدارک کیلئے دائر درخواستوں پر سماعت ہوئی، جسٹس شاہد کریم نے کیس کی سماعت کی، دوران سماعت جسٹس شاہد کریم نے کہاکہ ماحولیاتی تبدیلی کا کتنا بڑااثر ہے کہ ابتک برف نہیں پڑی،اس سے زیادہ قدرت ہمیں کیا دکھائے؟رپورٹس بتا رہی ہیں 2026تک لاہور میں پانی ختم ہو جائیگا، پھر یہاں بھی کراچی کی ہی طرح ٹینکر چلیں گے اور لوگ پانی کو ترسیں گے۔وکیل پی ایچ اے نے کہاکہ پی ایچ اے نے شاہدرہ میں 5ہزار پودے لگا ئے ہیں،ہم 2ہزار پودے مزید لگائیں گے،پی ایچ اے کے سٹاف کو 25الیکٹرک بائیکس دے دی ہیں،ترجمان پی ڈی ایم اے نے کہا کہ کلائمیٹ چینج کی وجہ سے برفباری نہیں ہوئی۔

Share This Article
Leave a comment

Leave a Reply

Your email address will not be published. Required fields are marked *