پرویز الہی نے الیکشن لڑنے کے لیے سپریم کورٹ سے رجوع کرلیا

Mashkoor Hussnain
3 Min Read

پاکستان میں فروری میں انتخابات لڑنے کی جن چند افراد کو اجازت نہیں ملی انن میں تحریک انصاف کے صدر پرویز الہی بھی شامل ہین تاہم وہ پوری کوشش کررہے ہیں کہ کسی طرح انہین اپنے آبائی حلقے سے الیکشن لڑنے کی اجازت مل جائے اس کے لیے ہائی کورٹ سے ناکامی کے بعد اب انھوں نے آخری کوشش کے لیے سپریم کورٹ سے رجوع کرلیا ہے -سابق وزیر اعلیٰ پنجاب پرویزالٰہی نے عام انتخابات میں حصہ لینےکیلئے سپریم کورٹ میں درخواست دائر کردی۔.درخواست میں الیکشن کمیشن،الیکشن ٹربیونل کوفریق بنایاگیا ہے اور استدعا کی گئی کہ لاہورہائیکورٹ کا 13 جنوری 2024کافیصلہ کالعدم قراردیا جائے۔

درخواست میں مؤقف اختیار کیا گیا کہ امیدوار محمد سلیم کے اعتراضات کی بنیاد پر میرے کاغذات نامزدگی مسترد کیے گئے، مجھ پر اعتراض اٹھایا گیا آٹا ملز میں میرے شیئر ہیں۔درخواست میں کہنا تھا کہ جن فلورملزکاالزام لگایاگیاوہ ناصرف غیرفعال ہےبلکہ بینک اکاؤنٹ بھی نہیں کھولاگیا، اس فلور مل کے شیئر میں نے کبھی نہیں خریدے،غیر فعال فلور مل اثاثہ نہیں ہوتی،اس فلور مل کی بنیاد پر مجھے الیکشن لڑنے سے روکا نہیں جا سکتا۔

پرویز الہی نے کہا کہ یہ اصول طے شدہ ہے کہ ہر ظاہر نہ کرنے والے اثاثے پر نااہلی نہیں ہو سکتی،کسی اثاثے کو ظاہر نہ کرنے کے پیچھے اس کی نیت کا جانچنا ضروری ہے،جو شیئر میرے ساتھ منسوب کیے جا رہے ہیں ان کی کل مالیت 24850روپے بنتی ہے۔درخواست میں مزید کہا گیا کہ میں نے اپنے کل اثاثے 175 ملین روپے ظاہر کیے ہوئے ہیں، ان اثاثوں میں 57 ملین روپے سے زائد نقد رقم بھی ظاہر کی گئی ہے، میرے لیے اتنے معمولی شیئر نہ ظاہر کرنا بدنیتی قرار نہیں دی جا سکتی۔دائر درخواست میں مزید کہا گیا کہ یہ اعتراض بھی لگایا گیا کہ میں نے اسلحہ کے 7 لائسنس ظاہر نہیں کیے، کاغذات نامزدگی میں اسلحہ لائسنس ظاہر کرنے کا کوئی کالم ہی نہیں ہے۔پرویز الہی اور ان کے بیٹے مونس الہی کو تو ابھی تک انتخاب لڑنے کی اجازت نہیں ملی تاہم پرویز الہی کی اہلیہ ،مونس الہی کی والدہ اور چوہدری پرویز الہی کی بہن قیصرہ الہی کو دو حلقوں سے الیکشن لڑنے کا ازاجت نامہ مل چکا ہے اگر ان باپ بیٹے کو الیکشن لڑنے کی اجازت نہ ملی تو قیصرہ الہی ہی دونوں حلقوں سے انتخاب لڑیں گی –

Share This Article
Leave a comment

Leave a Reply

Your email address will not be published. Required fields are marked *