جب تک اچھا جیون ساتھی نہیں مل جاتا ، شادیاں کرتی رہوں گی:راکھی ساونت

Mashkoor Hussnain
2 Min Read

اداکارہ راکھی ساونت جنھوں نے کچھ عرصہ قبل اسلام قبول کرنے کے بعد اپنا نام فاطمہ رکھ لیا تھا اب دوبارہ شادی کرنے کا سوچ رہی ہیں انھوں نے ایک مرتبہ پھر اپنی شادی کو لے کر کھل کر گفتگو کی ۔ بھارتی میڈیا کو دیئے گئے ایک انٹرویو میں راکھی نے کہا کہ”میں آج اعلان کررہی ہوں کہ جب تک مجھے ایک اچھا جیون ساتھی نہیں ملے گا، میں تب تک شادیاں کرتی رہوں گی انھوں نے اس کی ایک بہترین وجہ بھی بیان کی ان کا کہنا تھا کہ زندگی صرف ایک ہی بار ملتی ہے، مرنے کے بعد دوسری زندگی نہیں مل سکتی لیکن ایک شادی کے ٹوٹنے کے بعد دوسری شادی ضرور کی جاسکتی ہے۔ہالی ووڈ میں فنکار دس، دس شادیاں کرتے ہیں، وہاں کی اداکارائیں کئی بوائے فرینڈز رکھتی ہیں، ایک سے زیادہ تعلقات میں رہتی ہیں لیکن کوئی اُن پر بات نہیں کرتا۔اگر بھارت میں کوئی ایک سے زیادہ شادی کرلے یا ایک سے زیادہ بوائے فرینڈ بنالے تو بہت باتیں کی جاتی ہیں “۔

“ایکسپریس نیوز ” کے مطابق انٹرویو میں بھارتی اداکارہ نے عدالت سے جلد اپنی اور عادل درانی کی طلاق کی ڈگری جاری کرنے کی درخواست کرتے ہوئے کہا کہ “میں عدالت سے درخواست کرتی ہوں کہ عادل درانی سے جلد میرے پیسے واپس دلوا کر میری طلاق کی ڈگری جاری کردیں تاکہ میں مستقبل میں ایک اچھے لڑکے سے شادی کرکے اپنی زندگی گُزار سکوں”۔واضح رہے کہ عادل اور راکھی کے درمیان علیٰٰحدگی تو ہوگئی ہےلیکن عدالت میں طلاق کا کیس ابھی جاری ہے۔اب دیکھنا یہ ہے کہ وہ کسی مسلمان کو اپنا جیون ساتھی چنتی ہیں یا پھر کسی اور مزہب کے شخص سے شادی کریں گی -جو اس بات کو بھی واضح کردے گا کہ وہ واقعئی دائرہ اسلام میں داخل ہوگئی ہیں یا وہ صرف شہرت حاصل کرنے اور میڈیا میں آنے کا ایک ڈرامہ تھا –

Share This Article
Leave a comment

Leave a Reply

Your email address will not be published. Required fields are marked *