احسن اقبال اور دانیال عزیز کے درمیان اختلافات شدت اختیار کرگئے

Mashkoor Hussnain
2 Min Read

نون لیگ کے سینئر رہنما نے میڈیا پر آکر احسن اقبال پر کئی الزامات لگائے جس کے بعد پارٹی سے شدید ری ایکشن آیا اور آج رانا ثنااللہ اور احسن اقبال نے میڈیا پر آکر دانیال عزیز کو شٹ اپ کال دے دی -سینئر لیگی رہنما احسن اقبال کے خلاف بیان بازی پر ن لیگ نے دانیال عزیز کو شوکازنوٹس جاری کردیا۔

ن لیگ پنجاب کے صدر رانا ثنا اللہ کی جانب سے جاری کیےگئے نوٹس میں کہا گیا کہ آپ کی جانب سے بیان میں پارٹی ڈسپلن کی خلاف ورزی کی گئی ،آپ کے بیان کی وجہ سے پارٹی کی ساکھ متاثر ہوئی ہے ،نوٹس میں دانیال عزیز کو سات روز کے اندر اپنے بیان سےمتعلق پارٹی کو جواب دینے کی ہدایت دی گئی۔

دانیال عزیز کو جاری نوٹس میں مزید لکھا گیا کہ پاکستان مسلم لیگ ( ن ) کا آئین اس بات کا تقاضہ کرتا ہے کہ ہر رکن پارٹی کے ڈسپلن کی پابندی کرے، آپ کا مورخہ 30 نومبر 2023ءکا میڈیا پربیان پارٹی ڈسپلن اور پالیسی کی خلاف ورزی اور حقائق کے برخلاف ہے،ہررکن کا فرض ہے کہ اگر اسے کوئی شکایت ہے تو وہ پارٹی قیادت یا متعلقہ فورم کواپنی شکایت پیش کرے ،آپ سے تقاضا ہے کہ آپ پارٹی ڈسپلن کی پابندی کر یں اور ایسے بیانات سے مکمل اجتناب کریں۔دانیال عزیز نے کہا کہ احسن اقبال باقی باتیں چھوڑیں ملک میں 18 ماہ میں ہونے والی مہنگائی کا جواب دیں .
آج کر پریس کانفرنس کے بعد اب دیکھتے ہیں دانیال عزیز کیا ری ایکشن دیتے ہیں مگر لگتا یہی ہے کہ یہ معاملہ اب مزید شدت اختیار کرے گا –

Share This Article
Leave a comment

Leave a Reply

Your email address will not be published. Required fields are marked *