آنے والے دنوں میں دھند شروع ہونے والی ہے ؛محکمہ موسمیات

Mashkoor Hussnain
2 Min Read

پاکستان میں اس وقت موسم بہت اچھا ہے پاکستان کے بہت سے علاقوں میں مطلع صاف ہے مگر محکمہ موسمیات نے پیشن گوئی کردی ہے کہ آنے والے چند دنوں میں سردی بڑھنے کے سبب دھند پڑنے کا آغاز ہونے والا ہے -محکمہ موسمیات کاکہنا ہے کہ آنے والی صبح سے پنجاب کے میدانی علاقوں میں دھند چھانے کا امکان ہے ۔ محکمہ موسمیات کے مطابق صبح کے اوقات میں نارووال،سیالکوٹ، اوکاڑہ،ساہیوال ، گوجرانوالہ،لاہور، فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، خان پور،رحیم یار خان ،ڈیرہ غا زی خان اور گر دو نواح میں دھند اور سموگ چھائے رہنے کا امکان ہے -البتہ دارالحکومت اسلام آباد کے علاوہ خیبرپختونخوا کے بیشتر اضلاع میں موسم سرد اور خشک رہے گا، تاہم صبح کے اوقات میں میدانی علاقوں میں دھند چھائے رہنے کا امکان ہے۔ ادھربلوچستان کے بیشتر اضلاع میں موسم خشک جبکہ شمالی اضلاع میں سرد رہے گا،سندھ کے بیشتر اضلاع میں بھی موسم خشک رہے گا، تاہم جیکب آباد، موہنجوداڑو، سکھر، لاڑکانہ ، دادؤاور گھوٹکی میں صبح کے اوقات میں دھند/سموگ چھائے رہنے کا امکان ہے،کشمیر اورگلگت بلتستان میں موسم سرد اور خشک رہے گا۔پاکستان میں بدھ کےروز ہونے والی بارش کے سبب ملک میں سردی نے اپنی انٹری ڈال دی ہے –

Share This Article
Leave a comment

Leave a Reply

Your email address will not be published. Required fields are marked *