اس سال ایک لاکھ 79 ہزار پاکستانی حج کی سعادت حاصل کریں گے

Mashkoor Hussnain
2 Min Read

پاکستان میں ہرسال حج کے خواہشمند افراد کی تعداد زیادہ ہوتی تھی جبکہ سعودی عرب کی جانب سے کوٹہ کم افراد کو ملتا تھا جس کی وجہ سے قرعہ اندازی کرنا پڑتی تھی مگر گزشتہ سال معاملہ بالکل الٹ ہوگیا تھا اور حج اتنا مہنگا ہوگیا تھا کہ کوٹے سے بھی کئی ہزار کم افراد حج کے لیے مکہ روانہ ہوسکے تھے -اب اس سال کیا ہوتا ہے یہ تو آنے والا وقت ہی بتائے گا -مگر سعودی عرب نے ایک لاکھ 79 ہزار پاکستانی زائرین حج کے معاہدے کی منظوری دے دی ہے۔
سعودی فرمانروا شاہ سلمان بن عبدالعزیز کی زیر صدارت سعودی کابینہ کا اجلاس ہوا جس میں پاکستانی حج وعمرہ زائرین کے لیے انتظامات کے معاہدے کی منظوری دی گئی ۔ حج 2024 کے لیے پاکستان سے عازمین حج کا کوٹہ ایک لاکھ 79 ہزار 210 رکھا گیا ہے۔

گزشتہ برس بھی پاکستان کے لیے حج کوٹہ میں عازمین کی تعداد بھی ایک لاکھ 79 ہزار تھی تاہم کورونا وبا کے اثرات اورمہنگائی اور حج مہنگا ہونے کے باعث حج درخواستوں کی تعداد کم رہی تھی جس پر شہباز شریف کو سخت تنقید کا نشانہ بنایا گیا تھا تاہم اس سال حج گزشتہ سال کی نسبت سستا ہوگا ۔حکومت پاکستان کی جانب سے جاری کی گئی حج پالیسی کے مطابق 2024 کے لیے حج پیکج 10 لاکھ 75 ہزار روپے کا ہوگا جو گزشتہ سال کے مقابلے میں ایک لاکھ روپے کم ہے۔

Share This Article
Leave a comment

Leave a Reply

Your email address will not be published. Required fields are marked *