ایک طرف پاکستانی ٹیم ورلڈ کپ سے تقریبا باہر ہوچکی ہے اور سیمی فائنل کی دوڑ میں رہنے کے لیے اسے نہ صرف دونوں میچز کھیلنا ہیں بلکہ بھاری فرق کے ساتھ فتح بھی حاصل کرنی ہے اس موقع پر ٹیم کی توجہ صرف اگلے میچز پر ہونی چاہیے مگر یہاں تو معامل ہی کچھ اور ہے -پاکستانی ٹیم کے کپتان بھارت میں اپنی شادی کی تیاریوں میں مصروف ہیں – قومی کرکٹ ٹیم کے کپتان بابراعظم نے بھارت میں اپنی شادی کی تیاریوں کے سلسلے میں ایک ڈیزائنر شیروانی پر 7 لاکھ روپے کی خطیر رقم خرچ کردی۔ کپتان کی جانب سے ٹورنامنٹ کے دوران شادی کی خریداری میں مشغول ہونا غیر معمولی بات ہے، جس نے شائقین کرکٹ سمیت ناقدین کی طرف توجہ مبذول کروالی ہے۔اور اب پاکستان آکر انہیں صحافیوں کے اسی طرز کے سوالوں کا سامنا کرنا پڑے گا جس طرح کا سامنا کاکڑ کو لمز یونیرسٹی جاکر کرنا پڑا تھا –
بھارتی میڈیا کی رپورٹس کے مطابق بابر اعظم نے مشہور بھارتی ڈیزائنر سبیاساچی سے 7 لاکھ کی شیروانی خریدی اس کے علااوہ ایک معروف دکان سے زیورات بھی خریدے ہیں۔رپورٹس میں دعویٰ کیا گیا ہے کہ چونکہ بابراعظم کی شادی کی تیاریاں زوروں پر ہیں، اس لیے انکے رشتہ دار بھی انتظامات میں مصروف ہیں۔دوسری جانب اہم بین الاقوامی ٹورنامنٹ کے دوران ان کی شادی کی خریداری نے جہاں نئی بحث چھیڑ دی ہے ایک طرف ان کی اس حرکت پر انہیں تنقید کا سامنا ہے تو وہیں کپتان کے مداح ان کی شادی کی شاپنگ پر بہت مسرور اور شاد ہیں اور ان کی شادی کی کامیابی کے لیے دعاگو بھی ہیں -اورپُرجوش بھی۔
پاکستانی کپتان ورلڈکپ بری طرح ناکام رہے ہیں، انہوں نے 7 اننگز میں 30 کی اوسط سے 77 اسٹرائیک ریٹ سے محض 216 رنز اسکور کیے ہیں، جس میں 2 نصف سنچریاں شامل ہیں۔انھوں نے کسی ایک میچ میں بھی کیپٹنز اننگ نہیں کھیلی –
