پی ٹی آئی کے وکیل شیر افضل مروت جن کو مسلم لیگ کے سینیٹر افنان اللہ سے ہاتھاپائی کے بعد ملک گیر شہرت ملی تھی اب ایک عام شہری سے لڑ پڑے -میڈیا کی خبروں کے مطابق چیئرمین تحریک انصاف عمران خان کے وکیل شیر افضل مروت اور شہری کے مابین ہاتھا پائی ہوئی جس کی ویڈیو سامنے آ گئی۔نجی ٹی وی ایکسپریس نیوز کےمطابق سپریم کورٹ گیٹ کے باہر شہری اور شیر افضل مروت کے درمیان مارکٹائی کا واقعہ پیش آیا۔ شیر افضل کا کہنا تھا کہ سپریم کورٹ کے باہر نون لیگی ورکر نے انہیں بلا وجہ گالی دی، ان کا کہنا تھا کہ میں تو اس شخص کو جانتا تک نہیں تاہم پٹھان گالی کب برداشت کرتے ہیں اس پر شیر افضل نے اس شخص کی دھلائی کردی ۔ ویڈیو
شیر افضل مروت نے ایک بار پھر دھلائی کر دی۔۔۔۔#SherAfzal pic.twitter.com/AuKEOFzlCG
— Exact Press International (@ExactPressIntl) October 19, 2023
میں دیکھا جا سکتا ہے کہ شیر افضل مروت شہری کو زمین پر گراتے ہیں جبکہ ایک شخص شہری پر تشدد کر رہا ہے، اسی دوران سکیورٹی اہلکار بھی وہاں آ موجود ہوتے ہیں جو بیچ بچاو کی کوشش کرتے ہیں۔
مار کھانے کے بعد مضروب دہائی لے کر تھانہ سیکرٹریٹ درخواست دینے چلا گیا۔ شیر افضل مروت نے جب اس معاملے پر ان کا موقف لینے کی کوشش کی تو وہ مزید بات کرنے سے انکار کرتے ہوئے اسلام آباد ہائیکورٹ روانہ ہو گئے۔