لاہور سمیت پنجاب کے مختلف شہروں میں آشوب چشم کی بیماری تیزی سے پھیل رہی ہے اور ہر گلی میں آشوب چشم کا مریض دکھائی دے رہا ہے -اس میں کیونکہ بچے اور طلباء بھی شکار ہورہے ہیں اس لیے حکومت پنجاب نے سکولوں میں 3 یوم کی چھٹی کا اعلان کردیا ہے -پنجاب میں آشوب چشم کے مریضوں کی تعداد میں اضافہ پر تعلیمی اداروں میں کل سے اتوار تک چھٹیوں کا اعلان کردیا گیا۔
نجی ٹی وی کی خبر کے مطابق آنکھوں کے وائرس کے باعث نجی اور سرکاری سکولوں میں جمعرات اور ہفتہ کو عام تعطیل کااعلان کردیا گیا،جمعہ کے روز عیدمیلادالنبیﷺ کی چھٹی ہو گی ،اتوار کی ہفتہ وار چھٹی کے بعد سوموار کو دوبارہ سکول کھلیں گے، مگر اس روز بھی سوموار کو صبح تمام سکولوں کے باہر بچوں کو داخلے کے وقت اساتذہ چیک کریں گے۔ اور جن بچوں میں آشوب چشم کی شکایت ہوئی ان کو اسی وقت واپس گھروں کو بھیج دیا جائے گا ،چھٹیوں کا اطلاق پورے صوبے پر ہوگا۔لیکن جس شدت کے ساتھ یہ بیماری اپنا اثر دکھارہی ہے لگتا یہی ہے کہ اس کی شدت میں اضافہ ہوگا اور یہ بچوں کی تعلیم پر بری طرح اثر انداز ہوگا –
