لاہور میں بنا ہیلمٹ سڑک پر آنے والی بائیک تھانے میں بند کریں ؛عدالت

Mashkoor Hussnain
2 Min Read

لاہور میں ہائی کورٹ کے حکم پر تمام موٹر سائیکل سواروں کو ہیلمٹ پہننا لازمی قرار دے دیا تھا اور اس حکم کی خلاف ورزی پر ہزاروں افراد کے چالان بھی کیے گئے تھے مگر اس کا زیادہ اطلاق ہائی کورٹ کے اطراف اور مال روڈ پر ہی ہورہا تھا باقی پورے شہر میں لوگ بنا ہیلمٹ کے بائیک چلارہے تھے مگر اب پورے شہر پر اس قانون کا اطلاق ہوگا -آج سے بغیرہیلمٹ موٹر سائیکل سواروں کا اہم شاہراہوں پر داخلہ بند کر دیا گیا، اس میں مزید سختی بھی لائی گئی ہے پہلے ان موٹرسائیکل سواروں کو 200 روپے چالان کیا جارہا تھا اب سی ٹی او نے عادی بغیر ہیلمٹ موٹر سائیکل سواروں کی موٹر سائیکلوں کو بند کرنے کا حکم دیدیا۔

،آج سے مال روڈ، کینال روڈ، جیل روڈ، فیروز پور روڈ، گلبرگ سمیت اہم شاہراہوں پر داخلہ بند کر دیاگیا،سی ٹی او نے کہاکہ بغیر ہیلمٹ کسی کو بھی اہم و مصروف شاہراہ پر نہیں آنے دیا جائے گا، سی ٹی او نے عادی بغیر ہیلمٹ موٹر سائیکل سواروں کی موٹر سائیکلوں کو بند کرنے کا حکم دیدیا،سی ٹی اونے خلاف ورزی کرنے والوں کیخلاف غفلت و لاپرواہی کی دفعات کے تحت مقدمات کا حکم دیدیا۔لاہور میں ہیلمٹ نہ پہننے کے سبب سینکڑوں افراد حادثات کا شکار ہو کر ہسپتال پہنچ رہے تھے اگر اس پر عمل درآمد ہوتا رہا تو امید ہے کہ اس سختی کے بعد حادثات میں کافی حد تک کمی واقع ہوجائے گی –

Share This Article
Leave a comment

Leave a Reply

Your email address will not be published. Required fields are marked *