بھارت کی معروف اداکارہ راکھی ساونت جو اب قبول اسلام کے بعد فاطمہ کہلاتی ہیں عمرے کی ادائیگی کے بعد اپنے وطن بھارت پہنچ گئیں -بھارتی ماڈل و اداکارہ راکھی ساونت نے عمرے کی ادائیگی کے بعد اپنے انسٹاگرام اکاﺅنٹ کی سٹوری پر مولانا طارق جمیل کے بیان کی ویڈیو شیئر کی ہے۔

 

 

راکھی ساونت نے اپنے اکاﺅنٹ پر جو انسٹا گرام سٹوری لگائی اس میں معروف عالم دین مولانا طارق جمیل کا بیان صبر سے متعلق ہے راکھی اپنے شوہر عادل کے رویے سے بہت مایوس ہیں مگر لگتا ہے کہ وہ عادل کو خود سے دور نہیں کرپارہیں اسی لیے وہ لوگوں سے اپنے لیے دعائیں منگوارہی ہیں ۔ اسی کے ساتھ اداکارہ کی جانب سے مولانا طارق جمیل کے بیان کی ایک اور سٹوری لگائی گئی جس میں انہوں نے خانہ کعبہ کی تصاویر بھی لگائیں۔
راکھی ساونت نے اپنی اسٹوری میں قرآن کی آیات کو بھی شیئر کیا۔ واضح رہے کہ راکھی ساونت ایک دو روز قبل عمرے کی ادائیگی کے بعد واپس بھارت پہنچی ہیں۔اسلام قبول کرنے کے بعد وہ نہایت مطمئن دکھائی دیتی ہیں -اور اپنے اس فیصلے پر بہت خوش ہیں -وہ اسلام کے متعلق زیادہ سے زیادہ معلومات حاصل کررہی ہیں –