آزاد کشمیر کی ایک دلیر بیٹی عزم و ہمت کی تصویر بن گئی -اور اس نے اپنے خلاف ہونے والے ظلم پر زبان کھولنے کا فیصلہ کرلیا -آزاد کشمیر کے شہر میرپور میں شادی شدہ خاتون کی جانب سے اپنے سسرالیوں کے خلاف پریس کانفرنس کی گئی ہے۔ خاتون نے پریس کلب میں سسرالیوں کے خلاف پریس کانفرنس کی جس میں انہوں نے الزام عائد کیا کہ جہیز میں گاڑی اورسونےکے زیورات مانگےگئے جو نہ ملنے پر سسرالیوں نے تشددکیا۔

 

 

نجی ٹیوی چینل کی خبر کے مطابق مطابق متاثرہ خاتون نے کہا کہ شادی کے ایک ہفتے بعد ہی اس پر اس لیے ظلم شروع کردیا گیا کہ وہ اپنے ساتھ سونا اور گاڑی نہیں لائی -نئی نولی دلہن کا کہنا تھا کہ اپنے تحفظ کے لیے میں نے فیملی عدالت سے رجوع کرلیا ہے، عدالت سے انصاف کی منتظر ہوں۔ دوسری جانب لڑکی کے سسرال ولوں نے اسے نجی معاملہ تو قرار دے دیا مگر اب یہ معاملہ نیشنل چینل کے ساتھ ساتھ سوشل میڈیا پر معاملہ اٹھے گا اور لڑکی کے سسرال والوں کو اس کا جواب دینا پڑے گا –