یوم تکریم شہداء کے موقع پر آج ملک بھر میں شہداء کو خراج عقیدت پیش کرنے کیلئے تقریبات جاری ہیں، اس حوالے سے مرکزی تقریب جنرل ہیڈکوارٹرز (جسے جی ایچ کیو کے نام سے پکارا جاتا ہے) راولپنڈی میں یادگارشہدا پر ہوئی جس میں آرمی چیف جنرل عاصم منیر بطور مہمان خصوصی شریک ہوئے -اس تقریب میں سابق آرمی چیف قمر جاوید باجوہ کو بھی خصوصی طور سے بلایا گیا تھا ۔ تقریب میں مختلف شعبوں سے تعلق رکھنے والی اہم شخصیات نے بھی شرکت کی۔آرمی چیف جنرل عاصم منیر نے سکولوں کے بچوں سے غیر رسمی ملاقات کے دوران کہا ہے کہ پاک فوج شہداء کے تمام بچوں کی وارث ہے۔
یوم تکریم شہداء کی تقریب میں سابق آرمی چیف جنرل باجوہ آرمی چیف کے ہمراہ pic.twitter.com/xAzvV7VgXq
— DG🇵🇰ISPR✍️اردو (@DGISPR14) May 25, 2023
یوم تکریم شہداء کے موقع پر آرمی چیف جنرل عاصم منیر نے سکول کے بچوں سے ملاقات کے دوران کہا کہ پاک فوج شہداء کے تمام بچوں کی وارث ہے، ہمارا رشتہ مثالی اور ہمیشہ قائم رہنے والا ہے، پاک فوج شہدا کے بچوں کیساتھ ہمیشہ کھڑی رہے گی۔ آرمی چیف نے اس موقع پر سکولوں کے طلبا اور شہداء کے بچوں کے سروں پر دست شفقت رکھا- پاکستان کے آرمی چیف نے 9 مئی کے واقعات کے بعد فوج کا مورال بلند کرنے کے لیے 25 مئی کو یوم تکریم شہداء منانے کا فیصلہ کیا تھا –