شیخ رشید احمد پاکستان کے وہ واحد سیاست دان ہیں جو مشکل ترین حالات میں بھی ڈرتے اور گھبراتے نہیں ہیں -اسی لیے انھوں نے آج پھر ایک بیان داغ دیا مگر اس بیان کی تہہ میں جایا جائے تو اس میں بہت بڑی بات چھپی ہے ان کا کہنا ہے کہ پی ٹی آئی کے بعد اب پی ڈی ایم کا احتساب بھی ہوگا –اور ان کی یہ پیشن گوئی کسی وقت بھی پوری ہوسکتی ہے -شیخ رشید جب تک فوج کے حامی رہے کھل کر کہتے رہے کہ کہ میں فوج کے ساتھ ہوں اور جب انھوں نے عمران خان کا ساتھ دیا تو میڈیا پر آکر کہہ دیا تھاکہ اب جو بھی ہوجائے میں عمران کے ساتھ کھڑا ہوں اور آج کے دن تک وہ کپتان کے ساتھ کھڑے ہیں اور وہ سیاستدان جو عمران کی ہر بات پر جی جناب جی حضور کرتےرہے بڑے سنسنی خیز ٹویٹ داغتے رہے اب جب امتحان کا وقت آیا تو 12 دن نہیں نکال سکے یہی وہ سیاست دان ہیں جو جمہوریت کو پنپتے نہیں دیتے -یہ کبھی بینظیر کی کمر میں چھرا گھونپتے ہیں کبھی میاں محمد نواز شریف کو غلط مشورے دے کر اسٹیبلشمنٹ سے لڑواتے ہیں اور اب عمران خان کو اس سٹیج پر لے آئے -لیڈران کو مشکل میں پھنسا کر خود اس پارٹی کا انتخاب لڑتے ہیں جس کی ہوا چل رہی ہو

 

 

سابق وفاقی وزیر شیخ رشید کا کہنا ہے کہ کسی کے آنے اور جانے سے سیاست کی صحت پر کوئی اثر نہیں پڑتا، فیصلے وہی کررہے ہیں جو ہمیشہ سے کرتے آرہے ہیں۔گزشتہ روز سماجی رابطے کی ویب سائٹ ٹویٹر پر اپنی ٹویٹ میں عوامی مسلم لیگ کے سربراہ شیخ رشید کا کہنا تھا کہ جب جج یہ کہتے ہیں آپ کو پریس کانفرنس کے بغیر نہیں چھوڑیں گے اور ٹویٹ ڈیلیٹ کریں، تو دنیا کو سمجھ آجاتی ہے کہ پردے کے پیچھے کیا ہو رہا ہے۔شیخ رشید کا کہنا تھا کہ بِکنے والوں کی منڈیاں لگی ہیں، لوگوں کو صرف کیمروں کے آگے سے گزرا جارہا ہے، کسی کے آنے اور جانے سے سیاست کی صحت پر کوئی اثر نہیں پڑتا، فیصلے وہی کررہے ہیں جو ہمشیہ سے کرتے آرہے ہیں، جشن منانے والے سن لیں ایک ماہ میں ان پر بھی وقت آنے والا ہے۔

سابق وفاقی وزیر نے کہا کہ سیاسی کٹھ پتلیوں کی کوئی حیثیت نہیں، جو لوگ پارٹیاں چھوڑ رہے ہیں ان میں سے کوئی بھی ایسا نہیں جو پہلی بار پارٹی چھوڑ رہا ہو، جہاں جہاں نظریہ ضرورت جائے گا وہاں وہاں یہ جائیں گے۔شیخ رشید نے مزید کہا کہ چیف جسٹس صاحب نے کہا ہے وہ اللہ کی رضا کے لیے کام کر رہے ہیں، اللہ کی رضا مخلوق خداکی دادرسی میں بھی ہے، میں بار بار کہہ رہا ہوں کے مسئلہ اقتصادی ہے غربت ہے مہنگائی اور بیر روزگاری ہے، لوگوں کے انگوٹھے کاٹ دیں پھر بھی موجودہ حکومت کوووٹ نہیں پڑیں گے،، انہوں نے ایک مرتبہ سپریم کورٹ پر حملہ کیا دوسری مرتبہ گھیرا کیا۔افسوس کہ ہماری عدالتوں نے عوام کو کبھی وہ ریلیف نہیں دیا جس کے وہ حق دار تھے یہی وجہ ہے کہ آج وہ خود اس کی سزا بھگت رہے ہیں