جماعت اسلامی کراچی کے امیر اور میئر کے امیدوار حافظ نعیم الرحمان نے کہاہے کہ تحریک انصاف نے غیر مشروط حمایت کا اعلان کیاہے لیکن ہم انہیں کراچی کے ڈپٹی میئر کے عہدے کی پیشکش کریں گے ۔ان کا کہنا تھا کہ اب جماعت اسلامی اور تحریک انصاف کے ممبران کی تعداد 190 ہوگئی ہے جبکہ پیپلز پارٹی کی نشستیں 145 ہیں -یہ اتنا بڑا فرق ہے جس کے بعد ہمیارے لیے اپنا میئر لانے میں کوئی مشکل نہین ہے -اس کے علاوہ حافظ نعیم الحق نے پاکستان تحریک انصاف کو وائس چئیرمین کی نشست دینا کا بھی وعدہ کرلیا –
تحریک انصاف کی جانب سے کراچی کے میئر کیلئے جماعت اسلامی کی حمایت کا اعلان کیا گیا تھا ۔ امیر جماعت اسلامی کراچی حافظ نعیم الرحمان کا کہنا ہے کہ پیپلزپارٹی نےانتخابی نتائج کوتبدیل کیا، اپنی مرضی کی حلقہ بندیاں کیں، اگر اختیارات آسانی سے نہیں ملے تو چھین کر لیں گے، آئین کے تحت جو اختیارات ہیں وہ بلدیاتی اداروں کو دینے پڑیں گے۔امیر جماعت اسلامی کراچی کا کہنا تھا کہ جماعت اسلامی اختیارات کا رونا نہیں روئےگی، جتنا کام کرسکے کریں گے تاکہ سارا شہر اپنے حقوق کے لیے جماعت اسلامی کی آواز سے آواز ملائے۔
