پاکستان تحریک انصاف 9 مئی کے واقعات کے بعد سخت مشکل میں آگئی ہے اور تیزی سے اس پارٹی کے رہنما اس سے دوری اختیار کررہے ہیں اس پر اب پنجاب سے سابق وفاقی وزیر کاموقف بھی سامنے آگیا ہے – تحریک انصاف کے رہنما فرخ حبیب نے پارٹی علیحدگی اختیارکرنے والوں کے حوالے سے کہاہے کہ جنوبی پنجاب والے جو آج چھوڑ رہے ہیں انکو عمران خان پنجاب انتخابات میں پارٹی ٹکٹس نہ دے کر پہلے ہی فارغ کرچکے ہیں، لہٰذاان کی کوئی حیثیت نہیں ہے ۔
سماجی رابطے کی ویب سائٹ ٹوئٹر پر فرخ حبیب نے اپنے ٹوئٹ میں کہاہے کہ یہ وہ لوگ ہیں جنہوں نے پیسوں کے لئے اپنا ضمیر بیچ دیا تھا بطور سزا عمران خان نے ان کو ٹکٹ نہیں دیا تھا ۔
جنوبی پنجاب والے آج چھوڑ رہے ہے انکو عمران خان پنجاب انتخابات میں پارٹی ٹکٹس نہ دے کر پہلے ہی فارغ کرچکے ہے. لحاظہ ان کی کوئی حیثیت نہیں ہے
یہ وہ لوگ ہے جنہوں نے پیسوں کے لئے اپنا ضمیر بیچ دیا تھا، فرخ حبیب pic.twitter.com/ksU9yRlIBM— PTI Muzaffargarh (@PTIofficialMGrh) May 18, 2023
پی ٹی آئی رہنما کاکہناتھا کہ ان میں سے ظہیر علیزئی ضمیر بیچنے والوں میں شامل نہیں ہے لیکن وہ سیاست سے ہی کنارہ کشی کرچکے البتہ ان کے بھتیجے کو پارٹی نے ٹکٹ نہیں دیا تھا۔
