معروف بھارتی ڈانسر و اداکارہ راکھی ساونت نےدعویٰ کیا ہے کہ “انکے شوہر عادل خان ان کی زندگی ختم کرنے کا منصوبہ بنا رہے ہیں۔ اپنے حالیہ انٹرویو میں دعویٰٗ کرتے ہوئے راکھی ساونت کا کہنا تھا کہ ” میسور جیل میں قید ہونے کے باوجود بھی میرا شوہر عادل خان مجھے قتل کرنے کا منصوبہ بنا رہا ہے ، مجھے ابھی پتہ چلا کہ عادل خان نے مجھے مارنے کے لیےجیل میں موجود ایک قاتل کو پیسے دیے ہیں, مجھے عادل کو صرف اتنا کہنا ہے کہ مجھے یقین ہے کہ اللہ تعالیٰ میری دعا قبول کرے گا اور میں دشمنوں سے محفوظ رہنے کے لیے دعائیں پڑھ رہی ہوں –
راکھی ساونت نے عادل خان سے مخاطب ہوتے ہوئے کہا کہ “تم ایسا کیوں کرنا چاہتے ہو؟ جائیداد اور بدلہ لینے کے لیے؟”اُنہوں نے یہ بھی کہا کہ” عادل کا ہر روز مجھے جیل سے فون آتا ہے، وہ مجھ سے کہتا رہتا ہے کہ مجھے تم سے پیار ہے، مجھے یہاں سے واپس لے چلو لیکن میں نے اس سے کہا کہ میں نے تمہیں معاف کردیا ہے لیکن مجھ سے دور رہو۔ اُنہوں نے عادل خان پر اپنے قتل کا منصوبہ بنانے کے الزام کو ثابت کرنے کے لیے ایک بھارتی انٹرٹینمنٹ نیوز پورٹل کو ایک وائس نوٹ بھی بھیجا ہے جس میں ان کے ایک خیر خواہ کو عادل خان کے خطرناک منصوبے کے بارے میں آگاہ کرتے ہوئے سنا جاسکتا ہے۔راکھی ساونت خود کو میڈیا اور خبروں میں زندہ رکھنے کے لیے اس طرح کی اوٹ پٹانگ حرکتیں کرتی رہتی ہیں -اگرچہ انھوں نے اپنے اسلام قبول کرنے کااعلان بھی کیا ہوا ہے مگر لوگ اس کو بھی ماننے کو تیار نہیں کیونکہ انھوں نے قبول اسلام کے بعد اپنا نام تبدیل نہیں کیا -وی کسی بھی وقت دوبارہ مذہب تبدیل کرنےکا دعویٰ بھی کرسکتی ہیں –
