بھارتی ریاست کرناٹک کے انتخابات میں کانگریس نے انتہاپسند حکمران جماعت بھارتیہ جنتا پارٹی( بی جے پی) کو عبرتناک شکست دے دی ہے ۔�کئی سالوں کے بعد کانگرس کی سیاست میں واپسی ہوئی ہے –

بھارتی الیکشن کمیشن کے اعداد و شمار کے مطابق اب تک کی گئی ووٹوں کی گنتی کے مطابق کانگریس پارٹی کرناٹک میں 130 نشستوں پر جیت رہی ہے ۔ جبکہ وزیراعظم نریندر مودی کی انتہا پسند جماعت بی جے پی کو 66 سیٹوں پر سبقت حاصل تیسرے نمبر پر جے ڈی ایس پارٹی ہے جو اب تک 22 نشستیں جیت چکی ہے۔

کرناٹک کی ریاستی اسمبلی 224 ارکان پر مشتمل ہے اور وزیراعلیٰ کے لیے کسی بھی جماعت کا 113 نشستیں جیتنا ضروری ہے۔130 نشستیں جیتنے کے بعد اب کانگریس بغیر کسی اتحادی جماعت کے ریاستی حکومت بنائے گی۔ کانگریس کے رہنما راہل گاندھی نے کرناٹک میں انتخابی فتح کے بعد بیان میں کہا کہ نفرت کا بازار بند ہوگیا اور محبت کی دکان کھل گئی ہے۔یہ کرناٹک کے عوام کی فتح ہے۔ کرناٹک میں اس جیت کے بعد عام انتخابات میں کانگریس کے اقتدار میں آنے کے امکانات پیدا ہوگئے ہیں –