پاکستان تحریک انصاف کو لاہور میں ریلی نکالنے کی مشروط اجازت مل گئی ۔تاہم اسلام آباد میں پولیس نے تحریک انصاف کو ریلی کی اجازت نہیں دی اسلام آباد پولیس کا کہنا تھا کہ اسلام آباد میں دفعہ 144 ہے اس لیے اس طرح کی سرگرمی کی اجازت نہیں دی جاسکتی-

 

ضلعی انتظامیہ کی جانب سے پی ٹی آئی سے حلف لینے کے بعد اجازت دی گئی ،نوٹیفکیشن کے مطابق دوپہر ایک سے شام 6 بجے تک ریلی کی اجازت ہو گی،ریلی کیلئے استقبالیہ کیمپ نہیں لگائے جائیں گے،نوٹیفکیشن میں کہاگیاہے کہ عدلیہ اوراداروں کیخلاف تقاریر کی اجازت نہیں ہوگی،پبلک پراپرٹی کو نقصان پہنچاتو ذمہ دار پی ٹی آئی ہوگی،اس کے علاوہ جلسہ گاہ اور اطراف میں اسلحے کی نمائش کی اجازت نہیں ہوگی ۔اس کے علاوہ عمران خان کو خبردار کیا گیا ہے کہ ان کی جان کو شدید خطرات ہیں اور ان پر حملے کا خدشہ ہے اس لیے وہ گاڑی کےاندر سے خطاب کریں باہر ہرگز نہ نکلیں –