پاکستان تحریک انصاف کے وائس چیئرمین شاہ محمود قریشی نے آج راولپنڈی میں تحریک انصاف کی ریلی کی قیادت کی جس میں شاہ صاحب نے کہا ہے کہ احسن اقبال اور خواجہ آصف مذاکرات میں رکاوٹ ڈال رہے ہیں۔ شاہ محمود قریشی نے اسحاق ڈار کو مخاطب کرتے ہوئے سوال کیا اور کہا کہ ’’ ڈار صاحب آپ مسلم لیگ ن کے سینیئر رہنما ہیں، آپ کو نواز شریف کا اعتماد بھی حاصل ہے اس کے باوجود احسن قبال ، خواجہ آصف اور جاوید لطیف مذاکرات کی راہ میں روکاوٹ کیوں ڈال رہے ہیں؟ تاہم یہ ان کا خیال ہی ہے کیونکہ ابھی کسی کو پتہ نہیں ہے کہ ملک میں چل کیا رہا ہے ؟

 

 

انہوں نے کہا کہ مشاورت کے لیے وقت ہم نے نہیں بلکہ حکومتی وفد نے مانگا ہے ، تاخیری حربے کسی صورت کامیاب نہیں ہونے دیں گے۔انہوں نے کہا کہ اقتدار کے لیے آئین و قانون کو قدموں تلے روندا جارہا ہے ، یہ فعل ریاست اور جمہوریت کے حق میں بہتر نہیں ہے۔ مگر ابھی تک کسی پاکستانی کو یہ بات سمجھ نہیں آئی کہ مزاکرات کے پیچھے کون ہے اور مزاکرات کو ناکام بنانے کی کوشش کون کررہا ہے ؟ شائید حکومت اور اپوزیشن کو بھی اس بارے میں کچھ علم نہیں ہے -بحر حال کل اس بات کا فیصلہ ہوجائے گا کہ معاملات اتفاق کی طرف جارہے ہیں یا فیصلہ سڑکوں پر ہی ہوگا –