ایئر سیال نے لاہور سے جدہ کے لیے ہفتہ وار 4 پروازیں شروع کرنے کا فیصلہ کیا ہے -جس میں بینکوں کے کارڈز پر ٹکٹ خریدنے ولوں کے لیے ٹکٹ میں رعایت دی جائے گی – نجی ایئرلائنز ایئر سیال نے پاکستان سے سعودی عرب کے لیے فلائٹ آپریشن شروع کرنے کا اعلان کر دیا، ۔ نیوز ویب سائٹ’پروپاکستانی‘ کے مطابق ایئرسیال کی طرف سے اپنے آفیشل ٹوئٹر اکاﺅنٹ کے ذریعے یہ خوشخبر ی سنائی گئی ہے۔ فضائی کمپنی کا سعودی عرب کے لیے فلائٹ آپریشن29مارچ کو شروع ہونے جا رہا ہے آغاز میں ہفتہ وار چار پروازیں شروع کی جائیں گی جس میں بعد میں اضافہ بھی ممکن ہے -۔
Pakistan’s private airline AirSial has decided to expand its weekly flights operation to Saudi Arabia from March 29 in response to the rising number of pilgrims in Ramadan. pic.twitter.com/7vrprSYg4B
— Startup Pakistan (@PakStartup) March 23, 2023
رپورٹ کے مطابق یہ پروازیں پیر، بدھ، جمعہ اور اتوار کو پاکستان سے سعودی عرب جایا کریں گی۔ ایئر سیال کی طرف سے ان پروازوں کے لیے عمرہ زائرین کو پیشگی بکنگ کی سہولت دی جا چکی ہے جو رمضان المبارک میں عمرہ ادا کرنے کے لیے بیت اللہ کا سفر کرنا چاہتے ہیں۔ چند دن پہلے کمپنی کی طرف سے ایک ٹویٹ میں بتایا گیا تھا کہ جو مسافر الائیڈ بینک، حبیب میٹرو بینک، مسلم کمرشل بینک، بینک آف پنجاب اور حبیب بینک لمیٹڈ کے کارڈز پر ٹکٹ خریدیں گے انہیں 10فیصد ڈسکاﺅنٹ دیا جائے گا۔
