وفاقی وزیر اطلاعات و نشریات مریم اورنگزیب نےاپنے ٹویٹ کے ذریعے قوم کو آگاہ کیا کہ وزیراعظم شہبازشریف کورونا وائرس کا شکار ہو گئے ہیں – وزیراعظم کو تیسری بار کرونا کی شکایت ہوئی ہے وہ اس سے قبل بھی 2 مرتبہ کروناوبا کا شکار ہوئے ،وفاقی وزیر کاکہناتھا کہ وزیراعظم کی طبیعت 2 روز سے ناسازتھی ،ڈاکٹرز نے وزیراعظم کو آرام کا مشورہ دیاہے، وزیراعظم کی جلد صحت یابی کیلئے دعا کی اپیل ہے ۔

 

وزیراعظم شہبازشریف آرمی چیف کی تعیناتی جیسے امور نبٹانے کے لیے اپنے بھائی سے صلح مشورے کے لیے لندن پہنچے تھے -شہباز شریف 5 روز لندن میں قیام کے بعد گزشتہ صبح پاکستان واپس پہنچے تھے، وزیراعظم نے جمعہ کے روز پاکستان کیلئے وطن واپس آنا تھا لیکن طبیعت ناساز ہونے پر انہیں مزید 2 دن کیلئے لندن میں قیام بڑھانا پڑا۔