اعتزاز احسن نے پیپلز پارٹی چھوڑنے کی خبروں کی تردید کردی

Mashkoor Hussnain
2 Min Read

بے نظیربھٹو کی وجہ سے پیپلز پارٹی میں رہنے والے سینئر ترین رہنما اعتزاز احسن نے اس بات کی سختی سے تردید کردی کہ وہ پیپلز پارٹی چھوڑ کر تحریک انصاف میں جارہے ہیں ان کا کہنا تھا کہ اگر عمران خان میرے اچھے دوست ہیں تو پیپلز پارٹی میرا خاندان ہے میں اپنے خاندان کو کیسے چھوڑ سکتا ہوں انھوں نے کہا کہ میریے اپنے پارٹی قیادت کے ساتھ بہت اچھے مراسم ہیں اس لیے میرا پیپلزپارٹی چھوڑنے یا کسی اور جماعت میں شمولیت کا کوئی امکان نہیں ۔

لاہور میں پریس کانفرنس کرتے ہوئے اعتزاز احسن نے کہاکہ ٹی وی چینلز پر پٹیاں ابھی بھی چل رہی ہیں کہ اعتزاز احسن بنی گالہ میں بیٹھے ہیں، حالانکہ عمران خا ن سرگودھا اور میں یہاں لاہور میں ہوں، میرا پیپلز پارٹی چھوڑنے کا کوئی امکان نہیں،ان کا کہناتھا کہ ایک گروہ کو خبر مل گئی کہ میں پیپلز پارٹی چھوڑ کر پی ٹی آئی میں جا رہا ہوں، اس لیے اس نے یہ واویلا مچایا جا رہا ہے کہ مجھے پارٹی سے نکلنا چاہئے،کہاجارہاہے کہ پی ٹی آئی نے مجھے نگران وزیر اعظم بنانے کی آفر کی ہے ، کہاجاتارہا کہ پارٹی دشمن رویے کے خلاف مال روڈ پر مظاہرہ ہورہا ہے۔
اعتزاز احسن کاکہناتھاکہ مجھے دو مئی 2007 کو پیپلز پارٹی چھوڑنے کا پیغام پرویز مشرف سے ملا،پرویز مشرف نے کہا آپ وزیر اعظم بنیں، میں اس وقت پارٹی نہیں چھوڑی جب سب سے بڑی آفر کی گئی تھی تو اب تو اس جماعت کو چھوڑنے کا سوال ہی پیدا نہیں ہوتا ۔

Share This Article
Leave a comment

Leave a Reply

Your email address will not be published. Required fields are marked *