کل کے ناخوشگوار واقعے کے بعد پارلیمنٹ ہاؤس کی سیکیوریٹی رینجرزکے حوالے کرنے کا پروگرام بنا لیا گیا ہے وزیر داخلہ شیخ رشید احمد نے جمعہ کو ایک اجلاس میں کہا کہ انہوں نے پارلیمنٹ ہاؤس، ایم این اے لاجز اور پرانے ایم این اے ہاؤس کو تحریک عدم اعتماد کے دن سیکیورٹی کے لیے رینجرز اور فرنٹیئر کور کے حوالے کرنے کا فیصلہ کیا ہے تاکہ کسی بھی ناخوشگوار واقعے سے بچا جا سکے ۔
اسلام آباد میں میڈیا سے گفتگو کرتے ہوئے شیخ رشید کا کہنا تھا کہ ’اگر کوئی ایم این اے خود کو غیر محفوظ سمجھتا ہے اور سیکیورٹی چاہتا ہے تو حکومت سیکیورٹی فراہم کرنے کے لیے تیار ہے۔انہوں نے کہا کہ حکومت نےان چھ پولیس اہلکاروں کو معطل کر دیا ہے جن کی لاپرواہی کے سبب انصار الاسلام کے کارکنان وفاقی دارالحکومت میں پارلیمنٹ لاجز میں داخل ہوئے۔
گزشتہ رات اسلام آباد پولیس نے ایک کارروائی میں جمعیت علمائے اسلام ف (جے یو آئی-ف) کے ایم این ایز مولانا صلاح الدین ایوبی، مولانا جمال الدین اور انصار الاسلام فورس کے کارکنوں کو پارلیمنٹ لاجز سے گرفتار کیا تھاجسپر مولانا نے پورا پاکستان جام کرنے کی دھمکی دی تھی تاہم آج صبح سے قبل ہی ان سب گرفتار افراد کو رہا کردیا گیا تھا جس پر فضل الرحمان نے سڑکیں بند کرنے کی کال واپس لے لی تھی ۔